Eminentissime Princeps!
Nullo umquam tempore Historia rectius ac magis accomode magistram vitae agere potuit, quam moderno, tam diversis et abnormibus passim molitionibus concitato aevo, ubi ex immoderato innovandi pruritu non raro et talia instituta, quae provida antecessorum cura invexit, et longus seculorum usus probavit, brevi mann convelluntur; ubi dissitorum per immensa maria a nobis populorum mores et leges, non considerato genio et indigentia populi nostri et ac si historia nostra heri aut nudius tertius inchoaret, tamquam antidota universalia importantur; sicque e coeco exteros imitandi studio vestigia patrum incauti derelinquimus, in avia devia serius ocyus prolapsuri ...

---