sciencia approbantes et ratificantes volumus et concedimus, ac firmamus presenti priuilegio, in perpetuum valituro: Quod prepositura et ecclesia Posoniensis, villam Samud cum omnibus terris arabilibus et non arabilibus, pratis, fenetis, virgultis, arundinibus, aquis, paludibus et ceteris utilitatibus, ac pertinencijs, pro remedio anime aui nostri karissimi predicti, et nostre donatam et concessam, ac terram kuurth cum piscaturis, Zoruoseurem, Senketekuta, Haruskuuth, kuurtueles nominatis, et aliam piscaturam Cheuzweyz vocatam, et alias possessiones suas habitas, aquisitas et collatas, que superius comprehenduntur, in perpetuum possideant pacifice et quiete. Hoc expresse et precise de consilio et consensu Baronum nostrorum, ex speciali gracia concedendo, quod nullus Comes Posoniensis, nec aliquis eius officialis, quocunque nomine uocetur, ad villam Samud et ad alias villas et possessiones prepositure et capituli Posoniensis, nec citandi nec iudicandi, nec descendendi, vel descensum, seu procuracionem recipiendi, nec collectam exigendi, vel faciendi, nec aliquid honus imponendi occasione audeat extendere manus suas, aut in eis sibi ius aliquod, vel iurisdiccionem aliquam quocumque modo aliquatenus uendicare; Sed a Comite Posoniensi et eius officialibus quibuslibet et ab ipso Castro Posoniensi, et castri aut turris honeribus, custodijs et uigilijs plenissime in omnibus eadem villa Samud et cetere possessiones predicte sint libere penitus et exempte, et ad prepositum et Capitulum Posoniensis ecclesie pertineant pleno Iure. In cuius rei memoriam et perpetuam firmitatem presentes concessimus litteras, duplicis sigilli nostri munimine roboratas, Datum per manus Reuerendi uiri, magistri Thome, Electi Albensis ecclesie, aule nostre Vice Cancellarij, dilecti et fidelis nostri. Anno domini M° CC. LXX°. septimo, Regni autem nostri anno sexto.
Sigillum cum zona periit. Orig. pulchre exaratum, in Arch. Cap. Poson. priv. Capsa C. fasc. 7. Nr. 72. - Ed. Wenzel Cod. Arp. IV. 81.
60.
1277. - Magister Ladislaus Praepositus et Capitulum Strigon. testantur, "Quod Venerabilis vir Magister Joannes Praepositus Budensis, Concanonicus noster, - - de terra sua Illmer vocata, quam castri Zolgagyeriensis fuisse, quam etiam ex collatione et donatione regia se habere et ad se solum pertinere asseruit, terram duorum aratrorum - - confessus est vendidisse. - Praeterea idem Praepositus Comitem Egydium Officialem suum deputasset ad separandam - dictam terram. - - Datum per manus magistri Sixti Lectoris Strigon."
Első
