Camera Thesaurum depositum, vasa sacra, Ornatus, ad cultum diuinum preparatos, privilegia, Litteras, tam nobilium Regni, quam ipsius ecclesie, fecit asportari et ex multis priuilegijs aurum et sericum, in quibus pendencia Sigilla manebant, manu sacrilega in sua multitudine sociata crudeliter laniauit et maxime litteras et priuilegia ipsius ecclesie, que priuilegia post beatum Regem Stephanum per diuersos Reges, successiue in regimine succedentes, data fuerant in perpetuam donacionem possessionum Capitulo Strigon. ecclesie supradicte, perpetuo duraturam, Videlicet priuilegium de Kezteulch, priuilegium de Durug, priuilegium de Zalasun, priuilegium de Damas, cum aureis Bullis confecta, quedam cum cereis, in quibus Mete et signa ipsarum possessionum distingui uidebantur, destruxisset, laniasset, aut secum detulisset, pro suo libito uoluntatis, dei timore postposito et in sue anime graue detrimentum, ac in ipsius ecclesie Strigon. grauem ruinam et Jacturam; pro eo, quod ipse prepositus et Capitulum contra Sentenciam Romani pontificis, prius latam, eidem Vencezlao et filio suo, uiolenter introducto, noluerunt obedienciam et reuerenciam, tamquam Regi congruentem, exhibere; Eligentes pocius subire pericula rerum, personarum et comodorum, quam mandatis apostolicis et Justicie contraire. Hijs narratis et protestatis ordine premisso, quemadmodum eciam hec omnia patent et nota sunt omnibus Regnicolis et toti Regno, pecierunt a nobis diligenter et constanter, ut eis super protestacione huiusmodi facta litteras nostras in signum rei perpetue concedere dignaremur. Nos igitur iustis peticionibus ipsorum et supplicacionibus pie et iuste condescendentes, ne Ius eorum, tam crudeliter turbatum et conculcatum, depereat, sed pocius in esse suo conseruetur, litteras nostras testimoniales, sigillo nostro pendenti roboratas, propter conseruacionem temporis longioris, eisdem duximus concedendas. Datum in festo Omnium sanctorum. Anno domini M°. CCCmo. quarto.
Sig. e rubro serico pendet. Orig. situ maculatum in Arch. Cap. Strig. priv. Lad. 47. fasc. 1. Nro. 7. - Mance ed. Pray Hier. II. 170.; Fejér Cod. dipl. VIII. I. 169.; Katona Hist. Crit. VIII. 74. - Privilegia haec specificata amplius restituta non fuerunt.
588.
1304. 11. Nov. - Capitulum Poson. Petrum et Joannem Jobagiones Castri Poson. comiti Kenez possessionem Geszt triginta marcis vendidisse perhibet.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. Salutem in salutis largitore. Ad uniuersorum noticiam tenore presencium