itaque pensantes in animo, hoc regali moderamine in cordis nostri armariolo revolventes, predictum privilegium domini Bele, iuxta eiusdem Martini prepositi peticionem et humilem supplicacionem, presentibus de verbo ad verbum insertum, in omnibus suis clausulis approbamus, acceptamus, ratificamus, et de prelatorum ac baronum regni nostri consilio et consensu, presentis scripti patrocinio, perpetuo valere confirmamus. In cuius rei memoriam, firmitatemque perpetuam, presentes concessimus litteras nostras privilegiales, novi et autentici sigilli nostri dupplicis munimine roboratas. Datum per manus discreti viri magistri Endre, Albensis ecclesie prepositi, aule nostre vicecancellarii, dilecti et fidelis nostri. Anno Domini M. CCC. XX. nono, tredecimo Kalendas Februarii, regni autem nostri anno similiter XX. nono[133]. Venerabilibus in Christo patribus, domino fratre Ladislao, archiepiscopo Colocensi; sede autem Strigoniensi vacante; Nicolao Jauriensi, fratre Petro Boznensi, Benedicto Chanadiensi, Ladislao Quinqueecclesiensi, Herrico Wesprimiensi, Chanadino Agriensi, Andrea Transiluano, Ladislao Zagrabiensi et Mescone Nytriensi episcopis, ecclesias Dei feliciter gubernantibus. Magnificis viris Johanne palatino; Demetrio magistro tavarnicorum nostrorum; Thoma Woyuoda Transiluano et comite de Zonuk; comite Paulo iudice curie nostre; Mykch bano tocis Sclauonie; Johanne bano de Machou, comite Sirmiensi, de Walko, de Bodrug et de Barana; Johanne magistro tawarnicorum domine regine, consortis nostre karissime; Deseu iudice curie eiusdem; magistro Willermo comite Zepesiensi, de Sarus et de Wyvar; Stephano magistro agasonum nostrorum; Dyonisio magistro dapiferorum nostrorum et Nicolao comite Posoniensi, aliisque quam pluribus, regni nostri comitatu[s tenenti]bus et honores,
Sigillum cum zona periit. – Orig. membr. situ et humore exesum, in Arch. Cap. Strigon. Priv. Lad. 70. fasc. 1. nr. 4. – Edidit Fejér: Cod. Dipl. II. 94 et VIII/3. 362.

208.
1329. (Esztergom.) 13. Febr. – Capitulum Strigoniense, molendinum in Gyarmat, Pathó sartori cum onere census annui, confert.
Theophylus prepositus et capitulum ecclesie Strigoniensis, omnibus Christi fidelibus presens scriptum inspecturis, salutem in salutis largitore. Ad universorum noticiam harum serie volumus pervenire: quod cum molendinum Petri molendinatoris, quondam iobagionis nostri de Gyarmath, ex nostra licencia, concessione et consensu, sub census condicione, super aquam Garan in nostro territorio, iuxta memoratam villam Gyarmath, per eundem edificatum, fundatum et constructum, et per eum usque ad vite sue finem pacifice habitum et possessum, ex causis legitimis et racionibus evidentibus subsequentibus, tum videlicet propter hoc, quia idem Petrus molendinator, cum quadam vice Romam peteret, ipsum molendinum suum nobis legasse, assignasse dignosscitur, pariter et donasse; tum quia census annuales, racione dicti molendini nobis debitos, pluribus annis solvere non curavit, sed eos contumeliose et pertinaciter apud se detinuit; tum eciam quia sine herede decessit; tum quia ante mortem suam, per aliquos dies, litteras suas, sibi a nobis concessas, census et condiciones eiusdem molendini continentes, ad nostram personaliter accedens presenciam, nobis

[133] 1329. 20. Jan.