214.
1329. Magasvár. 17. Jun. – Carolus I. rex, Stephani castellani de Visegrád adoptionem in filium et haeredem, per Mikocsa factam et promissam, comprobat.
Tenorem vide sub nr. 366.

215.
1329. Avignon. 19. Jun. – Joannes PP. XXII., Rodolphum, ex ordine Praedicatorum, in episcopum Vaciensem praeficit, simulque capitulo et regi commendat.
"Johannes episcopus etc.....
Dudum siquidem Waciensi ecclesia per obitum bone memorie Laurencii episcopi Waciensis, qui in partibus illis diem clausit extremum, pastoris solacio destituta, dilecti filii capitulum eiusdem ecclesie, vocatis omnibus, qui debuerunt, voluerunt et potuerunt commode interesse, die ad eligendum prefixa pro futuri substitucione pastoris, ut moris est, convenientes in unum, te ordinis fratrum predicatorum professorem, in sacerdocio constitutum, in Waciensem episcopum per formam scrutinii concorditer elegerunt, tuque huiusmodi electioni de te facta ad instantiam dictorum capituli, prius tui superioris obtenta licentia, infra debitum tempus consentiens, a dilectis filiis capitulo ecclesie Strigoniensis, tunc et adhuc pastore carentis, cui prefata Watiensis ecclesia iure metropolitica est subiecta, confirmari electionem tuam huiusmodi cum instantia postulasti. Verum quia prefati Capitulum renuerunt, sine aliqua causa rationabili electionem confirmare predictam, ad sedem apostolicam personaliter accessisti, confirmationem electionis tue huiusmodi petiturus etc.
Apud Theiner: Monumenta Hist. Hung. T. I. p. 524. nr. 811.

216.
1329. (Somogyvár.) 22. Jul. – Conventus Simigiensis, literas suas pro Paulo de Fehéregyház concessas, privilegialiter edit.
Conventus monasterii sancti Egidii de Symigio, omnibus Christi fidelibus, presentibus pariter et futuris, presentes litteras inspecturis, salutem in salutis largitore. Ad universorum noticiam harum serie litterarum volumus pervenire: quod comes Paulus, filius Andree de Feyreghaz, ad nostram accedens personaliter presenciam, litteras nostras patentes nobis presentavit, petens a nobis humili cum instancia, ut tenorem earumdem de verbo ad verbum rescribi, nostrisque privilegialibus litteris inseri et confirmari faceremus. Cuius tenor talis est:
Nos conventus monasterii sancti Egidii de Symigio, memorie commendamus, quod Paulus, Petrus, Mychael et Stephanus, filii Nicolai, filii Farkasii de Feyreghaz ab una parte, comes Paulus, filius Andree de eadem ab altera, coram nobis personaliter constituti, predicti filii Nicolai confessi sunt viva voce: ut totam possessionariam porcionem suam in villa Tykus ipsos contingentem, videlicet in terris, fimatis, locis sessionalibus, fenilibus, virgultis et terris arabilibus, ac eciam tributis montaneis, hereditario iure eis attinentes, comiti Paulo predicto et per eum suis heredibus, heredumque suorum successoribus, pro viginti marcis plene receptis ab eodem, sicut dixerunt, vendidissent, perpetuo possidere