109.
1181. - Fulcumarus Comes ecclesiae de Bakonybél praedia Palan et Meretha cum servis et ancillis confert: „Anno ab inc. dom. 1181. regnante gloriosissimo Rege Bela pie recordacionis Geise Regis filio, Nicolao Strigoniensi Episcopo existente, Johanne Besprimiensis ecclesie Episcopo, Farkasio Palatino Comite, Dionysio Baciensi (in diplomate sub Nr. 99. Barsiensi) Comite.”
Wenzel 1. c. I. 76. - Cum donatio haec iisdem passim verbis in diplomate Nro 99. exhibito contineatur, diploma illud, prout ibidem etiam observavimus, ante a. 1181. exarari non potuit.
110.
1183. - Bela III. Rex donationem monasteriis s. Trinitatis prope Quinqueecclesias, et omnium Sanctorum de Okur factam rati habet. „Anno ab inc. dom. 1183. Nicolao existente Strigon. Archiepiscopo. - -”
Codex Dipl. Patrius I. 2. - Wenzel 1. c. I. 148.
111.
1183. - Nicolaus Archiepiscopus Strigon. venditionem terrae in villa Kéménd, a canonicis suis Comiti Farkasio factam, ratihabet.
N. dei gracia Strigoniensis ecclesie archiepiscopus, omnibus christi fidelibus, tam presentibus, quam posteris, salutem et oraciones in domino. Solent scriptis inseri facta mortalium, ne tractu temporis reuocentur in dubium, ut quod obliterare posset temporis diuturnitas, ad memoriam hominum sigilli autentici reuocet auctoritas. Ea propter contractum inter canonicos Strigoniensis ecclesie[338] ... forcasium celebratum, scriptis inserere dignum duximus, et ne cuiusquam calliditate in irritum possit reuocari, sigilli nostri impressione communiri fecimus. Vniuersitati itaque uestre palam facimus, quod prefati canonici Strigoniensis ecclesie utilitate diligenti considerata, consensu et uoluntate nostra terram ad unum aratrum prenominato. f. comiti in villa camend pro duabus marcis uendiderunt; existentibus in ecclesia strigoniensi: Adriano preposito, Gaufrido cantore, Petro magistro, Waltero curiale comite, Alano magistro, johanne

---

[338] Una vox exesa.