Datum diei in inferiori margine extraserialiter sic adnotatur: primo Idus Junij, - Sigillum cum zona periit. Orig. exesum amplius per integrum legi non poterat, lacunas e transsumpto simplici sec. 15. supplevimus. In Arch. Cap. Strig. priv. Lad. 9. fasc. 3. Nr. 1. et Lad. 40. fasc. 1. Nro. 3. - Edidit Fejér 1. c. III. I. pag. 196., Extr. Wenzel 1. c. VI. 572.
218.
1217. 27. Aug. - Honorius PP. III. Archidiaconum Nitriensem et Scholasticum Albensem in causa Nri. 214. non obstante absentia Episcopi Jauriensis, „qui, sicut accepimus, iam iter arripuit in subsidium terrae sanctae,” procedere iubet. Datum Ferentini VI. Kal. Sept. Pont. a. 2.
Fejér Cod. dipl. III. I. 228., Theiner Mon. Hung. I. 8.
219.
1217. - Andreas II. Rex Nrum. 54. transcribit et confirmat.
IN NOMINE SANCTE TRINITATIS ET INDIUIDUE UNITATIS. ANDREAS, DEI GRACIA VNGARIE, DALMACIE, CROACIE, RAME, SERVIEQUE REX, tam presentibus, quam futurus, IN PERPETUUM. Quia nobis ad salutem plurimum expedit Religiosa loca, diuino cultui mancipata, inter ceteras regni sollicitudines protectione regia defendere, et in suis iusticiis tanto propensius confouere et efficacius permouere, quanto celebrius in eis omnipotens deus colitur et a fidelibus deuocius honoratur; eorumque quieti tanto diligencius consulimus, quanto peruersitatem humanam cognoscimus ad iuris ipsorum detrimenta proniorem. Eapropter rerum noticiam cum earum auctoribus pertransire speculantes, occasionem malignancium uel efficaciam diripiencium, propter uetustatem priuilegiorum, a bonis locorum uenerabilium auertere satagentes; quitquid predecessoris nostri, Geise regis, recolende memorie, largicione sub titulo beati Benedicti de Gron regulariter militancium usui, eternorum intuitu, collatum esse dignoscitur, priuilegiique patrocinio dedicatum, quod uidelicet priuilegium predicti regis Geise ob aliquas necessarias eiusdem monasterii causas, ut inferius declaratur, exhibitum. extitit, ac per domnum Stephanum regem, Colomanni regis filium, postea corroboratum, Ad honestam peticionem Thome abbatis, fidelis nostri predictum. priuilegium domni Stephani regis, tenorem priuilegii ipsius Geise regis plenarie continens, renouare, et presencium auctoritate munire decreuimus. Cuius series talis est:
Első
