266.
1224. 11. Jul. - Honorius PP. III. causam Abbatis et Conventus s. Martini de Pannonia „contra Vesprimiense Capitulum super Ecclesia s. Saluatoris de Tordet quibusdam decimis de Simigiensi Comitatu plene ipsis prouenientibus, quas occasione Ecclesie s. Appollinaris idem Capitulum dicitur usurpare,” diu ventilatam, quamque idem Papa de Abbatis et Conventus supradicti „et Venerabilis fratris nostri ... Strigon. Archiepiscopi, tunc Episcopi Vesprimiensis, assensu,” Episcopo Vaciensi et coiudicibus suis commisit, finaliter diiudicandam, aut sibi submittendam decernit. - Datum Laterani V. Id. Jul., Pont. a. 8.
Orig. in Arch. Montis Pann. Wenzel 1. c. I. 202. - Hic manifeste Robertus Archiepiscopus intelligitur, qui cum anno primum 1226. Archiepiscopus renunciatus fuerit, error in dato harum litterarum latere debet.
267.
1224. 4. Dec. - Honorius PP. III. contra Praepositum Strigon., qui Andream Regem iniuriis lacessivit, inquisitionem demandat.
Honorius - - Waradiensi et Waciensi Episcopis et - Preposito Albensi. - - Altiora se querere Strigon. Prepositus et super se dicitur etiam ambulare. De ilio enim - - Rex Ungariae per - - magistrum Florentinum, custodem Orodiensem, nuntium suum, graviter est conquestus, quod idem metiri se nesciens, in tantum prorupit audaciam et furorem, quod Regem eundem, contra quem contumeliose surrexit, gravibus iniuriis lacessivit, in derogationem utique regie dignitatis et ordinis ac officii prepositi memorati. - - Dictus prepositus eo gravius dignoscitur excessisse, quo tam pro se, quem modestum esse deceret, quam pro sublimitate regali, cui est merito deferendum, linguam suam debuit fortius refrenasse. Cum igitur tantum linguae lubricum non sit in preposito predicto palpandum, nos non ab alio, set a nobis puniri volentes tam grandis temeritatis excessum; - - mandamus, quatenus veritate super hoc diligentius inquisita, nobis, quod inveneritis, - - fideliter exponatis, ut si fuerit ille culpabilis, pena docente gravius instruatur, quam grave sit, hominem sui ordinis et officii, tamquam modestie nescium et pudoris ignarum, ad conviciandum esse tam facilem et os suum assuescere maledictis. - - Datum Laterani II. Non. Dec., P. a. 9.
Pray Hierarchia II. 163., Katona Hist. Crit. V. 453., Fejér Cod. dipl. III. I. 463., Theiner Mon. Hung. I. 52.

---