458.
1245. - Philippus Praepositus et Capitulum Strigon. venditionem terrae in Coroa per Petrum de Cubulcut Nicholao Comiti preconum domine Regine, „omnibus commetaneis consencientibus, nobis scilicet et alijs”, factam, attestantur. „Datum per manus Georgij Lectoris.”
Orig. in Arch. Aerarii R. Bud. Wenzel 1. c. VII. 200.
459.
1245. - Capitulum Nitriense Stephanum Archiepiscopum Strigon, terram Gug emisse testatur.
A B C
Vniuersis xpi. fidelibus, ad quos presentes peruenerint, Nitriensis ecclesie Capitulum oraciones in domino. Significamus tam modernis, quam futuris, quod Mothud, filius Alexij, Ascensio et Endre, filij Botha, Marcus et Symon, filij Dodomezth, cum Damiano procuratore Venerabilis patris et domini nostri Stephani, dei gracia archiepiscopi Strigon., ad nostram accedentes presenciam; terram suam hereditariam, nomine Gug, undique metatam, cum consensu commetaneorum suorum, sicut homine nostro, quem pro peticione parcium ad uidendam dictam terram miseramus, audiuimus referente, eidem domino Archiepiscopo pro decem marcis argenti, a procuratore ipsius coram nobis plenarie persolutis, uendiderunt iure perpetuo possidendam, Tali apposita conditione, quod si lis aliqua super memorata terra Gug emergeret, uenditores supradicti, uel eorum successores, tenebuntur Archiepiscopum espedire. In cuius rei testimonium litteras presentes sigilli nostri munimine confecimus roboratas. Anno gracie Mo CCo XLo Quinto.
Sigillum e flavo, rubro et violaceo serico pendet. Orig. in Arch. Prim. Sec. Lad. M. Fasc. 1. Nro. 2. - Ed. Cod. Strig. I. 30. - Fejér Cod. dipl. IV. III. 310. erronee a. 1265. adscribit.
460.
1245. - Gyula de Poroszló, ac Vincencius Archidiaconus Nitriensis cum fratre suo Gönczöl terras suas in Bajon, salva portione domus hospitalis s. Crucis de Strigonio, Comiti Szemeino, civi Strigon., vendunt, coram Conventu Cruciferorum Strigon.
Conuentus domus Hospitalis S. Stephani Regis de Strigonio, Omnibus, presentes litteras inspecturis, Salutem in domino. Ad vniuersorum noticiam uolumus
Első
