483.
1248. - Ph(ilippus) Praepositus et Capitulum Strigon. de recepta per viduam Comitis Petri dote sua, litteras per „manus Georgij Lectoris Strigon.” expedit.
Orig. in Arch. Aerarii E. Bud. Wenzel. 1. c. VII. 271.
484.
1248. - Capitulum Nitriense Thomam, filium Mihedei, terram suam Wochard Archiepiscopo Strigon. in perpetuum vendidisse testatur.
Vniuersis xpi. fidelibus, ad quos presentes peruenerint, Nitriensis ecclesie Capitulum oraciones in domino ihu. xpo. Significamus tam modernis, quam futuris, quod Thomas, filius Mihedey, cum Damiano, procuratore venerabilis in xpo. patris et domini Stephani archiepiscopi Strigon., in nostra presencia constitutus, potestatus est, se uendidisse terram suam, Wochard uocatam, eidem archiepiscopo pro duabus marcis argenti et media, sibi a predicto Damiano coram nobis plenarie persolutis, in perpetuum possidendam, presente socero suo Azaria, de uilla Meger, iobagione domine regine, consensum prebente pariter et assensum. Nos igitur super consensu commetaneorum, metis ac quantitate prefate terre certificari plenius cupientes, ad predictam terram hominem nostrum fidelem duximus transmittendum, Qui rediens, nobis retulit, quod huic contractui nullus commetaneorum extitit contradictor, et ipsa terra contermina est pluribus partibus terris archiepiscopi sepedicti. Quantitatem autem ipsius dixit trium esse sufficientem usui aratrorum. In cuius rei testimonium litteras presentes, Sigilli nostri munimine confecimus roboratas. Anno gracie Mo. CCo. XLo. Octauo.
A B C
Sigillum detritum e roseo et albo serico pendet. Orig. in Arch. Prim. Sec. Lad. Q. fasc. 1. Nro. 4. - Edidit Fejér 1. c. IV. II. pag. 25.
485.
1249. 15. Martii. - Bela IV. palatium regium in arce Strigon. Archiepiscopo donat, residuum vero intra muros castri spatium civibus pro habitatione cedit.
(B)ELA dei gracia Hungarie. Dalmachie, Chrowachie, Rame, Seruie, Gallicie, Lodomerie, Cumanieque Rex. Uniuersis xpi. fidelibus, presentem Paginam
Első
