presencia, vel illius, cui ex certa concesserimus licencia. astare tenebuntur. Super hec predictis hospitibus nostris de Bystirce (sic) concedimus, vt preter nostram excellenciam nullus possit descensum facere super ipsos, nisi quos ipsi de propria receperint voluntate. Adicimus eciam, vt ab omni Jurisdicione et Judicio Comitum de Zolum, pro tempore constitutorum, sint penitus liberi et exemptj. Volumus eciam, vt nullam exaccionem, sew Censum racione terragij alicui soluere teneantur. Item circa renouacionem monetarum numularij ad eos uenientes septem diebus pretextu noue momete (sic) nullam in ipsos habebunt potestatem; elapsis vero ipsis septem diebus, omnem habebunt iurisdicionem, quam habent in Strigonio vel in Buda. Preterea ad exercitum vel expedicionem, ad quem nos personaliter ire continget, et ipsi decenter armati sub nostro vexillo ire tenebuntur. Insuper concedimus prenominatis hospitibus nostris de Bysterce, (sic) Quod ea gaudeant libetate super tributo, qua hospites nostri de Schebnyzbana gratulantur, nec ultra id per totum Regnum nostrum ipsis aliqua molestia inferatur. Preterea, ut multa breuiter concludantur, sepedictis hospitibus nostris conferimus terram arabilem, Siluas et prata, ad usus ipsorum necessaria, in quibus nullus eos audeat molestare. Ne autem super metis seu terminis dubium, lis, aut error in posterum oriatur, per fidelem nostrum Magistrum Baas, distingui fecimus et in hoc scripto poni nominatim, prout suo ordine distinguitur: Prima meta incipit a fluuio Goron in loco, vbi fluius (sic) Vdurna intrat in flwium (sic) Gron, et ascendit in ipso fluuio Vdurna vsquead viam, que ducit in Turch,[569] Et in ipsa via tendit versus Septemtrionem. Inde venit sub latere magni montis vsque in fluuium, qui vocatur Chelnice,[570] in quo descendit vsque in fluuium Gron antedictum, et transit eundem fluuium per quandam Insulam et ascendit altum montem et inde reuertitur in uertice montis ad priorem metam, vbi fluuius Vdurna cadit in flunium Gron et ibi terminantur. Insuper contulimus ipsis pratum, quod vocatur Castri, Jure perpetao et libere possidendum. Vt igitur hec premissa robur perpetue firmitatis optineant, nec possint processu temporum in irritum aliquatenus retractari, presentes litteras dedimus, dupplicis sigilli nostri munimine roboratas. Datum per manus dilecti et fidelis nostri, Magistri Smaragdi, Albensis prepositi, aule nostre vicecancellarij, Anno domini Mo. Co Co. Quinquagesimo Vo. Regni autem nostri anno Xo Xo.[571]
E transumto Capituli Strigon. a. 1338. In Arch. Cap. Strig. publ. Capsa 34. Fasc. 6. Nr. 1. Jdem Capitulum denuo transumsit a. 1519. In Arch. Primat. Sec. Lad. T. Nr. 84. - Fejér Cod. dipl. IV. II. 296.

[569] In altero transumto: Thrwcz.

[570] Ib. Thelnycze.

[571] Ib. anni regiminis desiderantur.