de Comitatu Gumuryensi[626] predicto, uel alijs decimatoribus, seu officialibus suis, qui fuerint inibi pro tempore deputati, estimatis in ualore, pro pecunia, seu moneta numerata, quantum in sumpma, uel in toto ualuerint, predicto domino archiepiscopo, uel suo successori, qui fuerit pro tempore, de Camera nostra sine dilacione persolui faciemus et in futurum assumpmimus persoluendas omni anno, durante condicione memorata, (quas si non soluerimus, uel nostri successores non soluerint, predicta solucio super nos et nostros successores crescat sine diminucione pro quolibet anno persoluenda.[627] Promittentes nos et domina Regina, consors nostra, consciencia nostra mediante, quod propter talem locacionem predictas decimas perpetuo nostro et nostrorum successorum usui nolumus applicare, nec eciam causam perpetuacionis ex hoc nostris successoribus uolumus de tali locacione prouenire; sed liberum arbitrium dabimus exnunc, prout extunc, predicto domino archiepiscopo, uel suis successoribus, quando uoluerint, reuocandi et iterato in specie decimas predictas, modo predicto exigendas, suo usui applicandi, prout est sua propria et sue ecclesie fuit et erit irt futurum. Et ut talis locacio de memoria hominum euelli non possit et cupiditatis voracitas in animarum nostrarum dispendium et grauamen per nos et nostros successores nostros ampliari; litteras nostras super hoc conuencionales, dupplicis sigilli nostri munimine roboratas, predicto domino archiepiscopo et sue ecclesie fecimus assignari. Saluis semper liberis decimis duarum de Torna scilicet et Wendegij villarum, pro sacerdotibus ecclesiarum remanentibus, quas predictus dominus archiepiscopus et sui predecessores liberas eisdem relinquerunt, ad nostram instanciam specialem. Datum per manus magistri Farkasij, aule nostre Vicecancellarij. Anno domini Mo. CCo. LXmo. Tercio.
Sigillum e rubro et viridi serico pendebat. Orig. humore maculatum ex Arch. Primat. resignatum est Episcopo Rosnav., qui nobis Orig. hoc fine desumendae copiae liberaliter concessit. - Ed. Fejér Cod. dipl. IV. III. 126.
644.
1263. - Archiepiscopus Strigon. vineam quamdam in promontorio Cholnok Monialibus de insula leporum confert.
Extr. Fejér Cod. dipl. IV. III. 151., V. I. 278. autem ad a. 1272. ponit. Vide Nrum. 647.

---

[626] Ib. Scimegiensi!

[627] Ib. voces hae parenthesi inclusae omissae sunt.