649.
1264. 31. Martii. - Urbanus PP. IV. Magistro Roberto, subdiacono suo, Archidiacono Quinqueecclesiensi in Wlko (Valko), Capellano Stephani Vanchai Episcopi Praenestini, „Canonicatum Ecclesiae Strigon. et praebendam, quos quondam Magister Gerardus de Parma, eiusdem ecclesiae Canonicus, in ea obtinuit, necnon redditus et portiones, quos idem Magister in Ecclesia s. Nicolai de Pispucki in Collotkuz (Csallóköz) Strigon. dioecesis habuit, vacantes per ipsius obitum, qui nuper est viam universae carnis ingressus,” confert, ac eum per annulum suum praesentialiter investit. - Datum apud Urbem Veterem II. Id. Apr., P. a. 3.
Koller Hist. Ep. Quinqu. II. 189., Fejér Cod. dipl. IV. III. 232.
650.
1264. 12. Apr. - Urbanus PP. IV. Orbatio Praeposito ecclesiae de Posega, Quinqueecclesiensis dioecesis, nepoti Episcopi Praenestini, attendens suae merita probitatis, ac per hoc et contemplatione Episcopi Praenestini, patrui sui, volens gratiam facere specialem, eidem sanctae Crucis in Susol et sanctae Mariae Magdalenae ecclesias, curam animarum non habentes, Strigoniensis civitatis et dioecesis, quas quondam magister Gerardus de Parma, obtinuit, vacantes per ipsius obitum, qui nuper est viam universae carnis ingressus, confert, ac per annulum praesentialiter investit. - Datum apud Urbem veterem II. Id. Apr., P. a. 3.
Eidem 18. Mart. Canonicatum in Ecclesia Paduana vacantem aut proxime vacaturam addicit.
Theiner Mon. Hung. I. 267., Fejér Cod. dipl. IV. III. 229. 231.
651.
1264. 30. Apr. - Urbanus PP. IV. Praeposito Strigon. mandat, ut Andream clericum, natum Andreae de Meniis, laici Strigon. dioecesis, in aetate tenera constitutum, de quo Papae datur intelligi, quod ipse, domino concedente, virum producere debeat moribus placidum et scientia gratiosum, in ecclesia Albensi, Vesprimiensis dioecesis, recipi faciat in Canonicum - -. Datum apud Urbem veterem II. kal. Maii, P. a. 3.
Theiner Mon. Hung. I. 267., Wenzel I. c. III. 88.

---