que pertinet ad Apa, Jobagionem Castri de Camarun, et inde tendit versus villam Zelebeg usque magnam viam, que vadit Jaurinum, et ibi terminatur.
Item est alia villa Arpa, cuius terre medietas pertinet Comitatui de Camarun, alia autem medietas preconibus domine Regine, quam possident communiter, metis vndique inclusam. Cuius terre prima meta incipit iuxta terram Paulini, de genere Kathpan, et egreditur ad orientem. Inde reuertitur uersus meridiem ad uillam Bana, deinde venit usque uillam Hazuga[727] et Syke arpa nominatam, ad primam metam postmodum redeundo.
Item mete ville Kurth, iuxta danubium existentis, que est uilla castri, vadutit ordine hoc: prima est in inferiori parte insule, existentis in danubio. Inde exit de insula et vadit directe uersus domum Bunda, vbi est meta asignata; postmodum vadit ad aquam, que dicitur Zytua,[728] vbi eciam Bunda est commetaneus, et ibi medietas dicte aque pertinet ad prefatam villam Kurth; deinde egreditur ad terram Poth, vbi meta est communis usque danubium et ibi medietas danubij a dicta terra Poth, que est Jobagionis Castri Camarun, usque uillam Ysa,[729] cum omnibus vtilitatibus suis spectat ville Kurth memorate.
Item tercia pars terre Heten[730] cum pratis, aquis et omnibus vtilitatibus ac pertinencijs suis, pertinet Comitatui de Camarun sepedicto.
Item quarta pars terre Bylle, feneti, aque, ac omnium vtililatum et pertinenciarum eius et vnum molendinum pertinet Comitatui memorato.
Item molendinum, quod erat Regium, in villa Thotha, uidelicet due rote in vna domo, contulimus Comitatui de Camarun cum terra vnius aratri, ad idem molendinum pertinente.
Et quia prefatus Comes Walterus propter multa fidelia seruicia sua nobis placere meruit et in cottidianis et familiaribus obsequijs domus nostre gratus nobis semper extitit et deuotus, volentes ipsum in recompensacionem meritorum suorum fauoribus extollere et gracia prosequi speciali, villam Camarun, vbi nostri vduornici fuerunt, sibi, filijs et filiorum suorum heredibus contulimus, Jure perpetuo, quiete et pacifice possidendam, In cuius ville Camarun possessionem et temutam ipsum Comitem Walterum per Olyuerium, magistrum Thauarnicorum domine Regine, karissime consortis nostre, dilectum et fidelem nostrum, fecimus introduci.
Vt autem per dominam Reginam Comiti Waltero Castri Camarun et pertinenciarum eius vendicio, et per nos ville Camarun donacio apud ipsum Comitem

[727] Ulad. Hozuga.

[728] Ibid. Zythwa; Ulad. Zythua.

[729] Ibid. Isa; Ulad. cysa.

[730] Ibid. Hetyn.