volumus pervenire, quod accesserant ad nostram presenciam Martinus, abbas sancti Benedicti de Goron, ab una parte, et Symun, Jobagio castri Strigon. de Neek, ab altera, Idem abbas confessus est uiua uoce, quod communi uoluntate fratrum et Jobagionum suorum terram et piscaturam ecclesie sue de kokoth cum suis vtilitatibus antedicto Symun et alijs hospitari volentibus contulisset, Ita eidem et alijs ordinando libertatem, ut prefatus Symun situm curie et terram sufficientem pro uno aratro, non mensuratam, sed uno aratro sufficientem, habere possit, et annuatim duo pondera Idem Symun et alij hospites super predictam terram residentes soluere tenerentur, et idem Symun hospites, dicti ecclesie protegere et defendere ab infestatoribus indebite teneretur et terram sepedicte ecclesie hospitibus, super prefatam terram commorantibus, uel eciam supervenientibus, ordinare et collocare, uel diuidere secundum iuris formam, liberam haberet facultatem; Ita uidelicet, ut sepedictus Symun, cuicumque vellet relinquere post decessum secundum ordinem libertatis, siue consanguineo, sive alijs, nullo contradicente, relinquere posset; et ut hoc ut (sic) firmum et ratum habeatur, ad instanciam utriusque partis nostras dedimus litteras, sigillo nostro roboratas. Datum anno domini Mo. CCo. Sexagesimo Octauo.
A B C
Sigillum e flavo et rubro serico pendet. Orig. in Arch. Aerarii Regii Hung. Acta Eccl. Fasc. 24. Nro. 6. - Ed. Fejér Cod. dipl. IV. III. 475., Wenzel 1. c. VIII. 223.
724.
1269. 13. Mart. - Bela dux Sclavoniae, patri suo Belae Regi terram Orosz confert.
Bela, dei gracia dux tocius Sclauonie, Dalmacie et Croacie, Vniuersis xpi. fidelibus, presens scriptum inspecturis, Salutem in vero salutari. Ad vniuersorum noticiam Tenore presencium volumus peruenire, Quod nos volentes occurrere voluntati domini Bele Regis, patris nostri karisimi, sincero cum affectu, quandam villam nostram, sitam iuxta Goron, Wruz nuncupatam, nostro ducatui pertinentem, ad peticionem dicti domini Regis, patris nostri karissimi, eidem dedimus et contulimus cum terris et omnibus vtilitatibus suis, sicud nos possedimus, vt idem dominus Rex, karissimus pater noster, de eadem villa facere et ordinare possit Iuxta sue libitum voluntatis. In cuius rei stabilitatem presentes contulimus, dupplicis Sigilli nostri munimine roboratas. Datum per manus venerabilis patris Ladislai, Episcopi Tynniensis, Aule nostre Cancellarij, dilecti et fidelis nostri. Anno dominice Incarnacionis Millesimo CCmo LXmo Nono, Tercio Idus Marcij, Ducatus autem nostri anno primo.
Ex auth. transumto Capituli Strigon. de a. 1387. In Arch. Prim. Sec. Lad. T. Fasc. 2. Nro. 30. - Ed. Cod. Strig. I. 61.