725.
1269. 14. Maii. - Comes Dionysius terram suam Barbata Monasterio s. Ben. de iuxta Grón donat, coram Capitulo Strigon.
A B C
Capitulum ecclesie Strigon., omnibus xpi. fidelibus, presentes litteras inspecturis, Salutem in domino. Ad Vniuersorum noticiam tenore presencium uolumus peruenire, quod nobilis vir, Comes Dyonisius, filius Beke, unacum fratre Michaele, monacho de Conuentu Monasterij sancti Benedicti iuxta Granam, in nostri presencia personaliter censtitutus, terram suam, quam dixit se habere in terra, Barbata uocata, iuxta terram predicti Monasterij, quam a filijs Hysce asseruit se emisse, dedit, tradidit et donauit coram nobis, pro remedio anime sue, predicto Monasterio, perpetuo possidendam. In cuius rei testimonium et memoriam, ad peticionem eiusdem Dyonisij comitis, presentes nostras concessimus literas, Sigilli nostri munimine roboratas. Datum per manus magistri Sixti, Lectoris Strigoniensis. Anno domini Millesimo CCo LXo Nono, Secundo Idus May.
A tergo „Pro terra Barbata, quam Dyonisius comes sancto benedicto tradidit.” Tum manus sec. 16. addidit: „Cum siluis, Nemoribus, virgultis et pratis inter fluuium Goron et viam publicam existent.” Inferius autem: „eciam cum alia particula terre, ab alia parte ipsius vie versus terram pinar (?) existentis”. Alia iterum manus adiecit: „Kyskalna”, tum recentior: „Barbata praedium in Cottu Bars.” - Sig. sat bene conservatum e flavo serico pendet. Orig. in Arch. Cap. Strig. priv. Lad. 40. Fasc. 1. Nro. 11. Aliud par cum litteris incisis in inferiori margine ibidem Nro. 1. - Fejér bis memorat. 1. c. IV. III. 100. et VII. V. 339., sed erronee ad a. 1262. - Ed. Cod. Strig. II. 93., Wenzel 1. c. VIII. 241.
726.
1269. 29. Junii. - Capitulum Albense requirit Capitulum Nitriense, ut litteras suassuper vendicione terrae Baroch, Nro. 727. exhibitas, privilegialiter expediat.
Viris venerabilibus et discretis, amicis suis karissimis, Capitulo Nytriensi, Albensis ecclesie Capitulum mutuam in domino caritatem. Nouerit discrecio uestra, quod Dominicus, comes de Barana, coram nobis personaliter comparendo, uoluit et petiuit, ut super uendicione terre Boroch priuilegium uestrum domino Phylyppo, venerabili archiepiscopo Strigon., aule illustris domini regis cancellario, eodem modo et ordine detis, quemadmodum seriem ipsius contractus in priuilegio nostro uideritis plenius contineri. Datum in festo Sancti Petri.
E Nro. 731. - Edidit Fejér Cod. dipl. IV. III. pag. 534. - Datum litterarum praesentium