Nytriensis ecclesie Salutem in omnium Saluatore. Significamus nobis, quod Herch, ciuis de Bors, coram nobis constitutus, presente Petro et Pynkusd filiis suis, ipsisque volentibus, molendinum suum, quatuor paria lapidum molencium continens, circa uillam Bors, sytum in fluuio, Goron nuncupato, curie abbatis Monasterij s. Benedicti de Grana adiacens, Martino Abbati dicti Monasterij, nomine et uice ipsius Monasterij comparanti et ementi, pro quo videlicet abbate frater Gerardus, monachus de dicto Monasterio et Laurencius, Curialis comes predicti abbatis astiterunt, pro Sedecim marcis argenti, acceptis ab eisdem fratre Gerardo et Laurencio, pro iamdicto Abbate soluentibus plenarie, coram nobis uendidit, iure perpetuo possidendam. Obligando se, quod si per quemcunque dictus Abbas, uel quicunque alius in dicto Monasterio eius successor extiterit, racione prefati molendini processv temporum molestaretur; ijdem Herch, ac filij sui tenebuntur tam emendare, quam in omnibus expedire, ipso molendino in iure monasterij, sepius recitati, pacifice permanente. In cuius rei memoriam pleniorem presentes concessimus litteras, sigilli nostri munimine roboratas. Datum Anno gracie Mo. CCo. Septuagesimo. Ecclesie nostre lectore Magistro Bartholomeo existente.
Sig. detritum e filis cannabeis pendet. Orig. in Arch. Cap. Strig. priv. Lad. 40, Fasc. 1. Nro. 12. - Ed. Cod. Strig, II. 102., Wenzel 1. c. VIII. 322.
753.
1270. - Nobiles quidam de Ságh terras suas Aegidio, filio Rugas, vendunt coram
Conventu Cruciferorum Strigon.
A. B. C.
Conuentus Cruciferorum domus Hospitalis sanctis Regis de Strigonio, Salutem in domino ihu. xpo. Ad vniuersorum noticiam harum serie uolumus peruenire, Quod Benedictus sacerdos, Dauid, ac Detmarus, filij Stephani, nobiles de Saagh, ab vna; Egidius, filius Rugas de eadem, parte ab altera, coram nobis constituti; idem Benedictus sacerdos est confessus, quod terciam partem possessionis Buza, filij Michaelis de Sagh, pro dote sororis sue sibi deuolutas, cum instrumentis, cum quibus sibi per predictum Buza collatum extiterat, ex permissione Dauid et detmari, Egidio filio Rugas predicto pro tribus marcis argenti vendidisset in perpetuum possidenda; que particula terre, vt Dauid et Detmarus, filij
Első
