71.
1278. Sept. - Dec. - Ladislaus IV. Rex terras Flanzendorf et Szilincs Capitulo Poson. donat, easque a iurisdictione Comitis Poson. eximit.
Ladizlaus, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex Omnibus, presentem paginam inspecturis, Salutem in salutis auctore. Pia mater ecclesia in solidissima petra, que xpus. est, beatissimi apostoli Petri fide fundata, tanto est a fidelibus honoranda deuocius, pariter uberius et dotanda, quanto multiplex misericordia dei, que variis remediis Karismatis lapsibus succurrit humanis, solet, ut pie et salubriter creditur, per suffragia ipsius ecclesie et presentis temporis prospera tribuere, et eterne uite premium facilius indulgere. Proinde vniuersorum noticie harum serie intimamus, Quod nos beneficia omnipotentis dei, cuius celesti fauore mouemur, uiuimus et sumus et habundamus rerum copia temporalium, in hoc mundo Regni diademate insigniti, erga nos fore quam plurima intuentes, vt pro hiis deuota mente et sincero corde sub religione fidei humiliter gracias referamus et laudes, et ut dominum nostrum ihm. xpm. in districti iudicij examine racionem reddentes, nobis mereamur habere placabilem et benignum; sacrosanctis ecclesiis et piis locis, quorum oracionibus incunctanter iuuarj speramus; summo desiderio et iugi cura de bonis, a deo nobis collatis, intendimus prouidere; et ideo cum nos post bellicos labores et gloriosissimum triumphum contra Regem Boemorum uictoriosissime habitum, diuino auxilio annuente, vbi idem Rex est in ipso campo eiusdem bellici certaminis interemptus, per partes Posonij in redeundo transitum faceremus et inuenissemus Posoniensem ecclesiam certo cercius oculata fide per hostiles incursus predicti Boemorum Regis, quando idem Rex, nobis infra tempora pubertatis constitutis, crudeliter tirannizauit in nos et in Regnum nostrum, in suis facultatibus grauiter lesam et pene ad extreme exinanicionis facultatem conlapsam, nimia inopia laborare; condolentes ipsius ecclesie ruine et volentes eius miserie, ut debita, sic deuota restauracione prospicere et misericorditer misererj, ad supplicacionem discreti viri, magistri Anthonij, prepositi Posoniensis, doctoris decretorum, dilecti et fidelis nostri, inducti, terram Flezyndorph vocatam, iuxta danubium sitam in confinio Regni nostri et Castro Potunburg contiguam et vicinam, et aliam terram Zelynch nomine, in maiori Posonio existentem, iuxta Thijrnam, ad collacionem nostram spectantes, vacuas tunc et incolis, ac habitatoribus destitutas, pro salute nostra et remedio anime nostre, in perpetuam elemosinam prepositure et Capitulo ecclesie Posoniensis donauimus, contulimus et concessimus, perpetuo possidendas, ac ipsas terras, misso nobili uiro, Joseph nomine, filio Vrbani de Chollokuz, homine nostro, sub testimonio Capituli Strigoniensis reambulari et inspici fecimus

---