fecimus, vocatis vicinis et commetaneis iuxta laudabilem et approbatam consuetudinem Regni nostri, et quia nullus extitit contradictor, easdem terras cum omnibus utilitatibus et pertinenciis suis prepositure et Capitulo predicte Posoniensis ecclesie tradidimus et assignauimus, sub terminis et metis ueteribus et antiquis, Ipsosque prepositum et Capitulum, nomine Posoniensis ecclesie, per predictum hominem nostrum, sub testimonio memorati Strigoniensis Capituli, in corporalem possessionem et tenutam earundem terrarum et utilitatum, ac pertinenciarum ipsarum quietam et pacificam fecimus introduci. Et ut predicta elemosina nostra aput deum acceptabilior habeatur et in possessione ipsarum terrarum tollatur a preposito et Capitulo Posoniensi cuiuslibet turbacionis, seu inquietudinis inposterum incentiuum; sepefatas terras, vtilitates et pertinencias ipsarum, incolas, colonos et habitatores earumdem, qui ad easdem fuerint congregati, absoluimus, exemimus, liberauimus a Comitis Posoniensis et officialium eiusdem, quocunque nomine vocentur, iurisdicione et potestate penitus, ex gracia speciali, ita, quod Comes Posoniensis, quicunque pro tempore fuerit, et officiales eiusdem ad predictas terras, vtilitates et pertinencias ipsarum, incolas, colonos et habitatores earumdem non possint, nec debeant in aliquo extendere manus suas, sed ad prepositum et Capitulum Posoniensis ecclesie, vtpote ad ueros dominos et legitimos possessores, eadem pertineant pleno iure.
Terre autem sepedicte, prout nos in litteris Strigoniensis Capituli uidimus contineri et ex relatu predicti Joseph hominis nostri didicimus, hiis metis, siue terminis distinguntur: Quod prima meta terre Flezyndorph vocate est iuxta uallem, que exit de Danubio a parte orientali secus viam, que ducit ad vruzwar; Inde iuxta eandem uiam procedendo, in eo loco, vbi due uie in modum crucis coniunguntur, est meta; Hinc vadit iuxta eandem uiam et uenit ad unam uallem arundinosam et in uertice uallis illius est noua meta, iuxta quam vallem uadit uersus vruzwar et ibi lapis unus est pro meta; Inde parum eundo, iuxta eandem vallem sunt due mete antique capitales, que distingunt terram Zijlwas et Castri Posoniensis; ab illo loco uadit uersus meridiem et ibi sunt due antique mete, quae distingunt terram ville Hetteser; Deinde uadit adhuc uersus meridiem et sunt due antique mete et paulo plus eundo, sunt due antique mete iuxta uallem magnam et flectitur uersus Posonium iuxta eandem uallem et postmodum transit uallem, ubi sunt due antique mete et parum eundo, sunt due antique mete et ibi uenit ad unam vallem iuxta uiam, ubi sunt due antique mete, et ibi transeundo vallem, procedit ad ecclesiam sancti Georgij, que est pro meta inter terram vngarie et Austrie, et a parte orientali ad eandem terram pertinent eciam due insule, que sunt iuxta Danubium, quarum nomina sunt vkurzijguet et Wetteng.
Terra autem Zelynch, que est iuxta Tyrnam, incipit ab aqua Parna
Első
