et destructam, quod non solum res vel bona illic residencium fuerint ablata; Verum eciam vix pauci homines propter destrucciones huiusmodi remanserunt In eadem, vbi eciam quinque mulieres expulse de suis domibus per eosdem algore frigoris spiritum exalarunt, pecudes eciam, scilicet oues et Capras, quas pellere propter impedimenta Niuium non potuerunt, scortitauerunt et scortitarj fecerunt propter pelles. Et cum postmodum venissemus ad alias nostras possessiones, per continuos et violentos descensus Magistri Johannis Comitis de Zauawrbaz, Guarig et Gwethke, Nicolai et Comitis Herrici prefatorum, Inuenimus ipsas fore totaliter desolatas et destructas et bonis omnibus, que reperiri potuerunt, per eosdem spoliatas contra libertatem ecclesiasticam et specialia priuilegia ab Illustribus Regibus Hungarie data et concessa et Vsque nunc Inuiolabiliter obseruata, contra que nullus Baronum vel Banorum aliquid attemptare presumpserunt, In tantum, Quod Jam vix tenuis sustentatio haberi potest in eisdem. Ydem eciam Magister Johannes et Nicolaus Banus Comitatum de Bersencze, quem nobis excellentissimus dominus noster Ladislaus, dei gracia Rex Hungarie, contulit, detinent In nostrum et ecclesie nostre preiudicium et grauamen, Nec eciam ad mandatum eiusdem domini Regis, pluries destinatum, ac per litteras dicti domini legati requisiti et moniti, restituere et reddere Minime curauerunt. Item ijdem filij Herrici Bani, Johannes scilicet, Nicolaus Banus et Comes Herricus decimas nostras, In terris ipsorum et ad eorum Jurisdicionem spectantibus, collegerunt et per suos satalites colligi fecerunt In Iniuriam dei et ecclesie sue sancte. Insuper prefatus Nicolaus Banus fecerat quosdam officiales et Vasallos ecclesie nostre meliores et Maiores iam pridem captiuarj, quos per quendam predonem Regni, nomine Wrycz, et publicum latronem In tantum fecerat tormentary, vt ea, que habuerunt ysque ad extremam ex Inanicionem extorserunt ab eisdem; vnde cum huiusmodi mala, vastus, spolia et destructiones, tam Episcopatus, quam Capituli nostri Justicia exigente et vrgente consciencia, oculis conniuentibus non possumus vel debemus pertransire, licet pluries per nos et nostrum Vicarium, qui tunc temporis gerebat nostras vices, requisiti, amonitj extiterint et Inducti, eosdem Magistrum Johannem, Nicolaum Banum et Comitem Herricum, ac ipsorum sequaces In festo Annunciacionis Beate Virginis, proximo preterito, In Werewcze apud ecclesiam fratrum minorum, que in honore Beate marie virginis est constructa, publice excommunicauimus In scriptis et denunciauimus excommunicatos, pulsatis Campanis, Candelis accensis et extinctis et ab omnibus arcius euitandos, ac totam terram ipsorum ecclesiastico supposuimus Interdicto, donec de premissis excessibus et comissis dampnis et Iniurijs illatis deo, ecclesie et nobis, ac fratribus nostris, Capitulo videlicet Zagrabiensi satisfaciant. Quare Vestre supplicamus paternitati, diligenter requirendo et deuote, quatinus prefatos Magistrum Johannem,

---