fidelissimis seruicijs iamdicto Ladislao dedissent, eidem Ladislao et perpetuassent. Post obitum uero proximorum suorum antememoratorum sepedictus Ladislaus fidelissima exhibuisset seruicia ipsis (sic) et maxime tunc, cum eorum castra fuissent debellata et recepta per Teutonicos, videlicet castrum sancti Georgij et Bozin castrum, idem Ladislaus cum sanguinis effusione et filio suo vnigenito non pepercisset, nomine Stephano, dicto Tarov, quem iamdictum filium suum in manus teutonicorum in Marhek dare non formidasset, quod wlgou (sic) Thwz dicitur et ad redimendum castra sua prenotata res et bona sua minime curando; pro eo donum proximorum suorum, uidelicet Cosme et Pauli prenominatorum roborauit et confirmauit, tali modo, quod quandocumque sepedictus comes Abraham, vel sui posteri de racione predicte Possessionis Ladislaum, aut suos posteros agrauare niterentur, vel agrauarent quoquo modo, idem comes Abraham, vel sui posteri Ladislaum, aut suos posteros tenerentur expedire proprijs laboribus et expensis (sic) et si iam dicti comes Abraham, aut sui posteri pluries nominati lites de racione sepedicte ville intenderet (sic) mouere contra sepedictum Ladislaum, aut suos posteros: extunc idem comes Abraham, aut sui posteri ante litis ingressum Ladislao, aut suis posteris ducentas Marcas dare et soluere teneantur. In cuius rei memoriam presentes duximus litteras concedendas, Sigilli nostri munimine roboratas. Datum in octauis penthecosten, Anno domini M°. ducentesimo Nonagesimo qinto (sic).
Sigillum e viridi et rubro serico pendebat. Orig. in Arch. Cap. Poson. publ. Capsa 14. fasc. 6. Nr. 2.
371.
1295. 28. Jul. - Bonifacius PP. VIII. ad queralem Episcopi Vesprimiensis, "quod magister et fratres domus hospitalis sancti Regis Stephani prope Strigonium, Diocesis Vesprimiensis, Ecclesiam sancti Andree, quondam de Obacz appellatam, predicte Diocesis, ad Episcopalem mensam suam pleno iure spectantem, funditus, Dei timore postposito, ausu sacrilego destruxerint, ac terras, decimas, possessiones, fructus et alia bona ipsius ecclesie temeritate propria occupantes et eam sic occupatam contra iusticiam detinere presumant;" iniungit "Abbati monastery de Cyrch in Bakonio," ut Cruciferos comperta rei veritate excommunicationi subiiciat, "donec super his satisfecerint competenter." - Datum Anagniae V. Kal. Augusti Pontificatus anno primo.
Fejér Cod. dipl. IX. VII. 718.
Első
