Sig. e corrigia pendebat. Orig. in Arch. Cap. Strig. priv. Lad. 2. fasc. 1. Nro. 1. - Extr. Fejér Cod. dipl. VI. I. 399. - Ed. Cod. Strig. II. 209. et Wenzel Cod. Arpad. X. 206.
373.
1295. 16. Oct. - Capitulum Strigon. literas cambiales Capituli Nitriensis super castro Ugrocz, ad requisitionem Mathaei Magistri Agasonum et Comitis Posoniensis transumit per manus magistri Cypriani Lectoris 17. kal. Novembris.
Fejér Cod. dipl. VII III. 108. et Wenzel Cod. Arp. XII. 572.
374.
(1295.) 18. Oct. - Andreas III. Rex causam Capituli Budensis contra cives Budenses Lodomerio Archiepiscopo Strigon. definiendam committit.
Andreas, dei gracia rex Hungarie, venerabili in xpo. patri, domino Lodomerio, per eandem Archiepiscopo Strigon., eiusdemque loci comiti perpetuo, salutem et graciam plenam. Causam, quam Capitulum Budense, fideles nostri, contra comitem vernerium iudicem, iuratos et Ciues de castro Budensi super ascendenti tributo ipsorum et alijs iniurijs coram nobis mouere intendebant, paternitati uestre conmisimus oretenus, sicut scitis, decidendam, requirentes cum affectu, quatenus eidem Capitulo ex parte ciuium castri Budensis, uisis ipsorum instrumentis, tam cum bulla aurea, quam cerea, sicut in uestri presencia coram comite vernerio fuit expeditum, plenam iusticiam exhibere uelitis uice nostra; Nos enim ratum et firmum habebimus, quicquid per uestram paternitatem iudicatum fuerit in hac parte. Datum Bude in festo Luce ewangeliste.
E Nro. 375. - Ed. Fejér Cod. dipl. VI. I. 357.
375.
1295. 20. Oct. - Lodomerius Archiepiscopus Strigon. cives Budenses ad solvendum Capitulo tributum sub pena excommunicationis compellit.
Nos Lodomerius, miseracione diuina archiepiscopus Strigon., locique eiusdem comes perpetuus, significamus, quibus expedit, uniuersis presencium per tenorem, Quod cum citra (sic) festum beati Luce ewangeliste (18. Oct.)
Első
