suis vtilitatibus et pertinencijs legitime impediuisset ab eodem Capitulo, nomine sui iuris et cum ipsa causa in facto eiusdem Pallacij diucius fuisset ventilata, et ambe partes instrumenta sua, quecunque habent, videlicet ipsum Capitulum Priuilegium domini Philippi, firmani Episcopi, apostolice sedis quondam legati; dictus vero magister Endre Priuilegium eiusdem Capituli Strigon., super facto Pallacij confecta, in Octauis diei Cynerum (11. Mart.) Anno dominice Incarnacionis M°. C°C°. nonagesimo nono, contra inuicem debuerunt exhibere, ijdem eciam Capitulum magistrum Wgrinum, filium Pous, de genere Chaak, nomine expeditoris dicti Pallacij statuere debuit et specialiter magister Thomas prepositus Strigon., Seraphinus et Emericus prepositi, cum sufficientibus et euidentibus procuratorijs litteris pro eodem Capitulo coram nobis comparentes, eandem causam a quindenis beati Georgij martiris (8. Maii 1299.) ad quindenas Pentecostes proximo venturas (21. Jun. 1299.) videlicet ad congregacionem Regni generalem, prorogarant statu et ordine priorum litterarum permanente; et licet exhibicio dictorum instrumentorum de termino ad terminos prorogata extiterit et specialiter a predictis quindenis Pentecostes, mediantibus litteris domini Regis, ad feriam sextam, proximam post Octauas beatorum Petri et Pauli apostolorum (10. Jul. 1299.) eadem causa in statu priori fuerit prorogata; tamen ipso termino perhemptorio et finali adueniente, predictum Capitulum Strigon. Priuilegium prefati Philippi, firmani Episcopi, apostolice sedis quondam degati (sic) non exhibuit, nec predictum magistrum Wgrinum, expeditorem ipsius pallacij, statuit, vt debebat; predictus vero magister Endre Priuilegium Capituli Strigon., quod in figura Judicij exhibere assumpserat, exhibuit, continens hunc tenorem:
Sequitur Nrus. 8.
Ad maiorem et euidenciorem huius negocij cautelam per dominum Andream, Illustrem Regem Hungarie, dominum nostrum, ad manus Comitis Hermani, filij Hermani, vice persone sue, ipsum Pallacium, tamquam ad manum communem, vigore iuris exposcente, medio tempore statuatur, vtilitates seu prouentus eiusdem Pallacij sequestrandum. Preterea per Comitem Rubynum, hominem domini Regis, presente testimonio dictorum Cruciferorum, predictum Pallacium eidem magistro Endre semel et secundo statuissent, contradictione quorumlibet non obstante. Verum quia ipsa causa et exhibicio instrumentorum diucius extiterat ventilata et predictum Capitulum Priuilegium non exhibuit, nec predictum magistrum Wgrinum, expeditorem dicti Pallacij statuit, vt debebat; ymo ad finalem terminum exhibicionis ipsius Priuilegij et statucionem exhibitoris, ad Regiam presenciam, seu nostram, tamquam vice Judicis Curie Regie, non uenit, nec misit, nec eciam in statucione dicti Pallacij ipsum Capitulum contradixit; prout premissa omnia et singula premissorum in litteris Cruciferorum predictorum, domino Regi transmissis, plenius continentur: predictus

---