497.
1300. 5. Mart. - Securus condictus pro fratre Gregorio Ordinis Predicatorum Vicario Dalmatino et duobus socijs eiusdem, Ordinis Heremitarum, Lectore Strigoniensi et fratre Jacobo Priore Curmodensi, eiusdem Ordinis, Nuncijs Prelatorum et Baronum Regni Vngarie, ac Magistro Jacobo Capellano et familiari Magnifice mulieris Helisabet Vngarie Regine ad Romanam Curiam pro certis nostris et Regie consortis nostre, ac dicti Regni negotijs accendentibus. - Datum Neapoli V. Martij.
E regestis Caroli II. Siciliae Regis. Wenzel Magy. Diplomatiai Emlekek I. 143.
498.
1300. 29. Mart. - Capitulum Nitriense Comites Mert et Kunch, nobiles iobagiones Castri Poson., magistro Buda possessionem Magyar-Szerencs viginti quinque marcis vendidisse testatur.
Capitulum ecclesie Nitriensis, Omnibus xpi. fidelibus, presentibus pariter et futuris, presens scriptum inspecturis, salutem in largitore salutis. Ad uniuersorum igitur noticiam Harum serie volumus peruenire, Quod Comes Mert et Nicolaus ac Johannes filij sui, Item Comes Kunch, frater eiusdem Mert, et Paulus filius suus ab vna parte, ac magister Buda ex altera, nobiles videlicet iobagiones Castri Posoniensis, coram nobis personaliter constituti, prefati Comites Mert et Kunch, ac filij eorundem antedicti, quandam possessionem suam Hereditariam Magarzerench vocatam, in Comitatu Posoniensi existentem, alijs possessionibus suis in minori Posonio existentibus, pro se reseruatis, prefato magistro Buda et per eum suis Heredibus, Heredumque suorum successoribus pro uiginti quincque marcis Denariorum Latorum vienensium, plene ab eodem receptis, dixerunt se vendidisse et donasse, ac vendiderunt, dederunt et donauemnt coram nobis, cum eiusdem circumstancijs et utilitatibus uniuersis, videlicet sessionibus, terris arabilibus, pratis, agris, aquis, siluis, pascuis et nemoribus, et alijs quibuscunque, et quomodocunque censeantur, quibus per eosdem, et suos auos seu progenitores eadem possessio Magarzerench extitit possessa, iure perpetuo pacifice ac irreuocabiliter possidendam, tenendam semper et habendam; renuncciantes eciam ijdem Comites Mert et Kunch, ac filij ipsorum prefati, omni iuri, et omni proprietati, quod, vel quam in ipsa possessione Magarzerench vocata nosscebantur optinere et Habere et totum ius, ac uniuersale dominium dicte possessionis et utilitatum eiusdem, in ipsum magistrum Budam fundentes, et eidem donantes, nichilque sibi iuris vel proprietatis retinendo uel reseruando in eadem. In cuius rei testimonium, et perpetue

---