Michaelis et Thomae, quae in summa hac rerum confusione solis instar emicant et abunde supplent defectum Nicolai, qui praecedebat, et Gregorii, qui sequebatur Lodomerium, ut clare omnino et evidenter Tomus hic nobis ob oculos sistat, quantopere stet, cadatque sors Kegni totius cum sede hac Strigoniensi. Magna profecto sedes, magni profecto passim, qui ei insidebant, Antistites et magnus profecto, dignusque successor, qui consepulta seculorum pulveribus Antecessorum acta liberaliter et veraciter, nihil addendo, nihilque demendo, tamquam magnum speculum exemplorum, publici iuris facit. Hoc Eminentissime Princeps sedi huic et Tibimet ipsi non ultima laus est.
Deus ter O. M. conservet sedi huic primae et maximae Te primum et maximum, ut sub felici gubernio Tuo res Ecclesiae in laudem Dei et salutem patriae

---