particulam terre filijs Comitis petri supradictis redimendam et liberandam permisimus, pro qua quidem solucione septuaginta et duas pensas latorum et bonorum denariorum Wiennensium Thomas et dominicus memorati, nobis ad plenum persoluerunt et sic dictam particulam terre liberam et absque omni honere seruitutis dicte exsolutam reddidimus perpetuo iure possidendam et habendam. In cuius rei testimonium nostras concessimus litteras, sigilli nostri munimine roboratas. Datum sabato proximo ante Dominicam letare, anno domini M°. C°C°C°. septimo.
Sigillum e flavo et rubro serico pendet. Orig. in Arch. Cap. Poson. publ. Capsa 14. fasc. 22. Nr, 12.
615.
1307. 5. Mart. - Capitulum Poson. Joannem Csősz de Sáp Nicolaum servum suum, per Bartal cognatum suum ex ancilla sua Gratia progenitum, manumittit.
A. B. C.
Vniuersis Xi. fidelibus, presentes litteras inspecturis, Capitulum ecclesie Poson. salutem in domino sempiternam. Ad vniuersorum noticiam tenore presencium uolumus peruenire, Quod constituti personaliter coram nobis Johannes, filius Iwanka, dictus Cheuz de Saap, pro se et pro omnibus (cognatis suis, ex) una parte; Bartal, filius Myke, de cognacione eiusdem Johannis, ex altera; idem Johannes est confessus, quod ipse quendam seruum suum (Nicolaum), filium Gracie, ancille sue, per eundem Bartel (sic) generatum, ad peticionem eiusdem Bartel, receptts tamen ab eodem Bartal viginti ... plenarie et maxime racione consanguinitatis, perpetue tradidit libertati, dando eidem .. ubicunque, uel apud quoscunque uoluerit, (manendi) liberam facultatem. Obligando se, quod quicunque processu temporum eundem Nicolaum, uel suos heredes, heredumque suorum successores racione pristine condicionis uellet forsitan inpetere, uel uexare; extunc idem Johannes et sui successores tenebuntur eosdem expedire proprijs laboribus et expensis. In cuius rei memoriam nostras concessimus litteras, sigilli nostri munimine roboratas. Datum in dominica Letare, Anno Domini M°. C°C°C°. septimo.
Sigillum cum zona periit. Orig. lacerum evanidum in Arch. Cap. Poson. publ. Capsa 33. fasc. 1. inter fragmenta.

---