uallem Tosloua et ibi (sunt) due mete; deinde uadit super terram filiorum Thoyp et ibi sunt due mete; posthec vadit versus villam sancte marie et sub eisdem metis in longitudine quatuor Iugerum directe transeundo, circa unam vallem sunt due mete; post hec vadit super quandam uiam, que ducit de uilla sancte Marie ad Domum filiorum Thymothei, et sic directe transeundo sunt due mete, in eadem via versus villam sancte marie parum eundo; deinde tendit super quendam monticulum Arkus vocatum et ibi similiter sunt due mete; Inde per longitudinem monticuli transeundo usque viam, que ducit versus villam Chylistou, sunt due mete; Post hec parum eundo, sunt iterum due mete; deinde uadit uersus viam, que ducit ad domum filiorum Thymothei et ibi sunt due mete, et in eadem via parum eundo prope Domum Henslinni in una valle sunt due mete (et) eadem via distinguit metas terrarum arabilium usque Domum Henslinni antedicti, que est in inferiori parte Domus filiorum Thymothei circa fluuium, qui uocatur paruus Danubius, et eundem fluuium ante Domum dicti Henslinni directe transeundo pars (dicti) Henslinni in insula ab ipso paruo Danubio usque magnum Danubium in longitudine, in latitudine vero cum omnibus utilitatibus ibidem existentibus ex parte vicinorum suorum, utraque, sub certis metis est signata. Pascua uero pecorum inter dictum paruum Danubium et vallem Thostoua vocatam similiter sub certis metis a superiori parte Domus filiorum Thymothei est distincta. Et sic mete dicte possessionis terminantur. In cuius rei testimonium presentes concessimus litteras, sigilli nostri munimine roboratas. Datum in festo (puri)ficacionis beate virginis gloriose, Anno Domini M°. C°C°C°. XIII°.
Sigillum e viridi et rubro serico pendebet. Orig. lacerum in Arch. Cap. Poson. publ. Capsa 14. fasc. 12. Nr. 10. - Ed. Nagy Cod. Andeg. I. 283.
756.
1313. 4. Mart. - Conventus de Sagh servum Ravasz cum filio suo Nicolao pro tribus marcis manumittit.
A. B. C.
Omnibus in xpo. fidelibus, tam presentibus, quam futuris, presens scriptum inspecturis, Laurencius prepositus et Conuentus fratrum ordinis Premonstratensium Monasterij beate virginis de Saag, salutem in omnium largitore. Cum dominus et redemptor noster Humanem carnem assumpsisset, vt dirupto, quo tenebamur, captiui iugo seruitutis, proinde nos restitueret libertati. Hinc est, quod ad vniuersorum noticiam harum seriem litterarum volumus peruenire, Quod cum Dama, nobilis de Borsen, pro remedio anime sue et