874.
1319. 11. Nov. - Capituium Poson. Ropoto de Budulo-Sámod sedecim iugera terrarum Joanni, filio Selke decem marcis vendidisse testatur.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. salutem in domino sempiternam. Ad vniuersorum noticiam tenore presencium uolumus peruenire, Quod constitutus personaliter coram nobis Ropoto filius Iutemerij de Budulo Samud, ab una parte; Johannes filius Selkc ab altera; idem Ropoto est confessus oraculo uiue uocis, quod ipse de terris suis hereditarijs sedecim iugera terrarum arabilium ab inferiori parte Agazwiz uulgariter nuncupate in una longitudine et latitudine, prout dixit, existencia, cum dimidietate Telukivelg uocate, in fine dictorum iugerum existente, presente domina Katha uxore sua, que dotem suam, ipsam de iure contingentem, et quartam paternalem filie, de dictis iugeribus similiter prouenientem et contingentem, relaxando coram nobis, eidem Johanni filio Selke et per eum suis heredibus, heredumque suorum successoribus, cum permissione et bona uoluntate omnium cognatorum et vicinorum suorum presencium et absencium, sicut dixit, videlicet dyonisij filij Budo pro se et pro tribus filijs suis, scilicet Nicolao, Thoma et Michaele; Budulo filij Budo, similiter pro se et pro filijs suis Stephano et Zorad; Nicolaus filius Selke pro se; Peteu filius Petri pro se et pro Jacobo fratre suo; ac Elya filio eiusdem Jacobi, seu eciam pro Stephano et Kemyn filijs Chekure; pro decem marcis denariorum Wiennensium, quamlibet marcam cum singulis decem pensis computando, plene ab eodem receptis et integre, uendidisset, dedisset et tradidisset, iure perpetuo, irreuo cabiliter possidenda, habenda et tenenda. Obligando se, quod quicunque processu temporum eundem Johannem, aut suos heredes heredumque suorum successores racione dictorum iugerum uellent forsitan molestare; extunc idem Ropoto et sui successores tenerentur expedire proprijs laboribus et expensis. In cuius rei testimonium presentes concessimus litteras, sigilli nostri munimine roboratas. Datum in festo beati Martini confessoris Anno Domini Mo. CCC°. decimo Nono.
Sigillum integrum e rubro et viridi serico pendet. Orig. in Arch. Cap. Poson. priv. Capsa A. fasc. 8. Nr. 3. (Secundum Elenchum Capsa A. fasc. 7. Nr. 53.)
Első
