in comitatu Huntensi existentem, que iuste ad manus regias fuerat deuoluta. Quia uero et sacrorum canonum et legalis permittit auctoritas, ecclesiarum predia et possessiones cum regibus et principibus permutari; idem capitulum, auctoritate bone memorie Benedicti, tunc archiepiscopi Strigon., sicut decuit, accedente, sepedictam villam Jeneu pro uilla Zalka taliter concesserunt, út ipsa uilla Jenev cum omnibus utilitatibus suis; portu uidelicet in danubio, terris arabilibus, feneto et libertinis ascripticijs, seu originarijs, glebe adherentibus in eadem, cederent in ius et proprietatem monasterij et cenobij iamdictorum, pro qua eiusdem permutationis titulo sepedictus dominus Rex, karissimus auus noster, dedit, concessit, contulit et tradidit iam dictam uillam Zalka, in predicto Huntensi comitatu existentem, cum omnibus utilitatibus et pertinencijs, terris uidelicet arabilibus, siluis, pratis seu fenetis, molendinis, ac piscacionibus, in ipsum capitulum pleno iure dominij transferendo; ordinans et irrefragabiliter statuens, ut predictum Strigon. capitulum ipsam uillam Zalka, sicut alias Strigon. ecclesie possesiones, habeat, retineat et gubernet, sicut super hijs omnibus nobis ueridica prelatorum et baronum regni nostri fecit assercio plenam fidem. Nos itaque considerantes, quod etsi quilibet contractus, inter quoslibet bona fide initi, per reges et principes debeant in suo uigore conseruari; illi tamen contractus, quos reges ipsi et principes cum sacrosanctis ecclesijs ineunt, tanto solidius debeant subsistere, quanto eminecior (sic) auctoritas eos firmat; permutacionem praedictam ratam, gratam, firmam et acceptam habemus et eam regie approbacionis amminiculo, de predictorum baronum et prelatorum regni nostri consilio roboramus, et ex certa sciencia confirmamus; volentes ipsam uillam Zalka beato Adalberto et per eum Strigon. capitulo, tum ex premisso permutacionis titulo, tum ex hac nostra confirmacione applicatam, perhenniter conseruari, et alijs bonis Strigon. ecclesie incorporari perpetuo ac coniungi. Vt igitur sepedicte permutacionis et presentis nostre confirmacionis series successiuorum uarietate temporum nequeat obscurari, ad perpetuam rei memoriam et munimen praesentes litteras duplicis sigilli nostri karaktere fecimus insigniri. Datum per manus magistri Benedicti, prepositi Budensis ecclesie, aule nostre uicecancelarij, dilecti et fidelis nostri. Anno dominice Incarnacionis M°. CC°. Septuagesimo quarto, Regni autem nostri anno secundo. Metropolitica sede Strigoniensis ecclesie vacante. Venerabilibus patribus Stephano Colocensi et Johanne Spalatensi archiepiscopis. Lamperto agriensi, Briccio chanadiensi, Job Quinqueecclesiensi, Paulo Wesprimiensi aule nostre Cancellario; Philippo Wachiensi, aule domine regine, karissime consortis nostre cancellario; Lodomerio Waradiensi, Timotheo Zagrabiensi, Dionisio Jauriensi et Petro Transiluano, episcopis, ecclesias dei feliciter gubernantibus. Dionisio palatino, Comite de Oclych, Judice Cumanorum, Herrico bano tocius Sclauonie, Nicolao woywoda