III.
VACAT SEDES.
1328. Dec. – 1329. Febr.

206.
1329. (Szepeshely.) 14. Jan. – Capitulum Scepusiense, filios et nepotes quondam comitis Ricolphi, possessionem suam Kolcsva, in comitalu Scepus. existentem, cum illa monasterii Ord. Carthus. de Lapide Refugii, Heimborch nominata, in districtu Tharcensi iacentem, commutasse perhibet.
Ed. Cod. Andegav. T. II. p. 382.

207.
1329. – 20. Jan. – Carolus I. rex, literas fundationales praepositurae Dömös transscribit et confirmat.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac Montis sancti Angeli dominus. Omnibus Christi fidelibus, tam presentibus quam futuris, presencium noticiam habituris sa[lutem in omniu]m Salvatore, Cum a nobis petitur, quod iustum et honestum est, decet maiestatem regiam facilem prebere consensum, in hys presertim, que videntur sacrarum ecclesiarum commodis utiliter convenire. Proinde ad universorum noticiam harum serie volumus pervenire: quod discretus vir magister Martinus, Dymisiensis ecclesie prepo[situs, devotus et fi]delis capellanus noster, ad nostram personaliter accedens presenciam, exhibuit nobis quoddam privilegium domini Bele secundi, inclite recordacionis, olym illustris regis Hungarie, tenoris infrascripti, petens nos humili precum instancia, ut quia ipsum privilegium propter sui vetustatem, tam quarte (sic! legendum: charte), quam sigilli in specie, quo esset [ . . . . . . . . . . ] admodum necessarium, deferre non valeret, nostris litteris transscribi et ad uberiorem et maiorem rei firmitatem, nostro privilegio perpetuo valere confirmaremus. Cuius tenor talis est:
Sequitur privil. Belae II. regis de a. 1138,[132] edit. ex hoc ipso transsumpto T. I. p. 88. nr. 65.
Cum igitur veritate edocente equitas suadeat, ut reges et ceteri terrarum principes, qui nutu Dei reguntur, in celesti Ierusalem tunc potissimum collocentur, cum per eos temporalis ecclesia, precioso sanguine Christi decorata, et in eadem iugiter famulantes, quorum precum suffragiis omnia bona optinentur a Deo, sollicite et quite in eorum iuribus conservantur atque gubernantur. Hoc

[132] 1138. 3. Sept.