425.
1337. (Győr.) 6. Maii. – Capitulum Jaurinense, particulam terrae Papnépe, inter Petrum de Szentgyörgy et capit. Posoniense, iuxta compositionem arbitrorum, divisam esse testatur.
Universis Christi fidelibus, presentem paginam inspecturis, capitulum ecclesie Jawriensis, salutem in salutis largitore. Lubrici temporis prolixitas seriei geste rei pro tempore oblivionem incitet et inducit, ideo ad labentem memoriam hominum renovandam scripture patrocinio perhennatur. Ad universorum itaque noticiam harum serie volumus pervenire: quod cum magister Petrus, (expunct.: fratres) frater magistri Sebus, filius Abraam dicti Abichk de Sancto Georgio, iuxta tenorem litterarum tam regalium, quam comitis Pauli iudicis curie regie conposicionalium, in octavis festi Pasche nunc preteritis,[257] contra honorabiles viros, dominos prepositum et capitulum ecclesie Posoniensis, pro particula quadam terre, inter villam Popnepe, et aciem ecclesie beati Johannis iacente, et ab una meta lapidea, aliisque ibidem metis terreis; in prato inter Chekles et Posonium, sub quadam piro, prope aquam Palyazo, ante possessionem Jwani fluentem iacentibus, trans eandem aquam versus meridiem et usque metas ville Eburhardi protensa, coram homine domini nostri regis et nostro ad hoc per parcium arbitoos (sic!) testimonio deputato, eo quo sua esset ipsa terre particula, iurare debuisset; advenientibus eisdem octavis, prout nobis nobilis vir magister Andreas, filius Abrae Rufi, homo domini (emansit: regis) nostri, et discretus vir magister Petrus canonicus et custos ecclesie nostre, noster horao, concorditer recitarunt, magistro Nicolao castellano Posoniensi, comite Andrea de Churle, Andich fratre magistri Fokonis de Owga, et Pethus filius Zoerardi de Werekene, Dominico de Vzur, tunc iudice nobilium provincie nobilibus; item Nicolao, filio Jacobi, Petro filio Morcholfi et Stephano dicto Strauz, civibus in Posonio, ac fratre Dyetrico rectore curie, seu domus monasterii Sancte Crucis in Posonio, pro pacis comodo disponentibus et amice componentibus, iidem honorabiles viri scilicet dominus Thomas, vicarius magistri Michaelis prepositi, et ipsum capitulum ecclesie Posoniensis, prefato magistro Petro, ipsum suum iuramentum relaxassent ita, quod particulam terre memoratam iuxta cursum metarum, aliis eiusdem possessionis Popnepe metis, magis infra per seriem scriptis in presentibus conscriptarum, inter ipsum magistrum Petrum et honorabiles viros prepositum et capitulum antedictos, prefatam possessionem Popnepe tranquilla et perpetua pace possidendam preposito et capitulo Posoniensi relinquendo, divisissent sic, quod series metarum ipsius possessionis Popnepe hec est: quod in littore fluvii Palazo, ubi scilicet terre seu prato comitis Pethus, filii Zoerardi, hec terra vicinatur, circa quandam viam sunt due antique mete, separantes hanc terram Popnepe a terra ipsius comitis Pethus; illinc tendit versus occidentem ad quandam arborem populi non remote, sub qua sunt tres mete antique, quarum una hanc, secunda vero terram eiusdem comitis Pethus, sed tercia terram Prachan, prefati monasterii sancte Cracis separant et seiungunt; inde ultra parum eundo, versus tamen aquilonem, est una antiqua meta separans terram eiusdem monasterii et ipsam terram Popnepe; ultra similiter parum eundo, est iterum una antiqua meta et parum ultra est iterum una et ultra parum iterum una et adhuc ultra in fine laci Plekense vocati; inter vias ducentes de Posonio in Tyrnam, est iterum una meta antiqua, que omnes separant

---

[257] 1337. 27. Apr.