21.
1351. május 7.

A zobori konvent jelenti I. Lajos királynak, hogy a garamszentbenedeki apát panasza ügyében a királyi emberrel kiküldte megbízottját, s ezek megállapították, hogy Iuvenis (Jung?) János volt újbányái ispán a monostor határául szolgáló felső patakot egy újonnan épített malomhoz terelte és ezzel a monostor földjéből nagy darabot elbitorol, s az ügyben történt tiltakozást semmibe veszi.

Papír, 309 x 86 mm. Hátlapra nyomott pecsét befuggesztő szalagja. A szöveget hurkolt sorzáróléc zárja. Hátlapon egykorú címzés: Excellentissimo principi, domino Lodovico, Dei gracia regi Hungarie, illustri domino suo pro honorabili viro, domino fratre Syffrido abbate monasterii Sancti Benedicti de iuxta Goron et suo conventu contra Iohannem Iuvenem, quondam comitem de Kunygesperg et alios suos sequaces inquisitorie; valamint újkori latin nyelvű kivonat és levéltári jelzetek. Eszt. kpt. mlt. 9-3-8 (DF 238 487).

Excellentissimo domino, Lodovico, Dei gracia regi Hungarie, domino suo illustri conventus monasterii Beati Ypoliti martiris de Zubur oraciones in Domino continuas et devotas. Litteras vestre excellencie generales pro religiosis viris, domino fratre Syffrido, abbate monasterii Sancti Benedicti de iuxta fluvium Goron et suo conventu inter cetera formam inquisicionis exprimentes summa recepimus cum reverencia et secundum continenciam earundem cum Stephano, filio Dyonisii de Hymd, homine vestre serenitatis discretum virum, dominum Nicolaum, rectorem ecclesie Beati Mychaelis de Daras nostrum hominem ad inquisicionem infrascriptam faciendam pro testimonio duximus transmittendum. Qui demum ad nos reversi concorditer retulerunt, quod sicut a nobilibus, item a sacerdotibus et aliis communibus hominibus in comitatu Borsiensi existentibus, a quibus expediens fore dinoscebatur, et specialiter a vicinis et commetaneis civitatem Kunygesperg circumiacentibus scire et inquirere diligenti investigacione facta potuissent, talem de premissa inquisicione rescivissent veritatem, quod in octavis festi Beati Martini confessoris, cuius nunc quarta adveniret revolucio annualis, Iohannes Iuvenis, quondam comes de Kunygesperg unum construxisset molendinum in possessione monasterii, ad quod molendinum superiorem rivulum, qui est meta monasterii Sancti Benedicti, a suo vero meatu abstrahens ad ipsum molendinum duxisset, per eundem aqueductum magnam partem terre monasterii abstraxisset et quamvis idem [115] Iuvenis comes et alii sequaces sui regni consuetudine prohibiti ab eodem aqueductu, per quem terram monasterii alienassent, nequaquam tamen usque adhuc vilipendentes in preiudicium et gravamen monasterii prohiberi voluissent. Datum sabbato proximo post octavas festi Beati Georgii martiris, anno Domini Mmo CCCmo quinquagesimo primo.

[115] a szó az eredetiben tollban maradt.