exibeant et nusquam alias in regno nostro alicui possint famulari; qui si contrarium fecerint et ecclesie seruire noluerint, ipsorum Palatinus liberam habeat facultatem ubicunque capiendi et condempnandi eosdem. In cuius rei memoriam, firmitatemque perpetuam concessimus[744], duplicis sigilli munimine roboratas, Datum per mantis magistri Benedicti, Orodiensis prepositi, aule nostre vicecancellarij, dilecti et fidelis nostri. Anno ab incarnacione domini Mo. CCo. septuagesimo secundo, Regni autem nostri anno secundo.
Sigillum e serico rubro et viridi pendebat. Orig. in Arch. Prim. Sec. Lad. R. fasc. 1. Nr. 3. - Ed. Fejér 1. c. V. I. pag. 226. et extr. pag. 187. et iterum extr. VII. V. 375.
778.
1272. a. 1. Aug. - Stephanus V. Rex transumit Nrum. 637.
Stephanus, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, Omnibus xpi. fidelibus, presens scriptum inspecturis, salutem et perpetuam pacem. Justis petencium desiderijs animum condescendere tam vigor equitatis, quam ordo exigit racionis, dummodo id, quod petitur, iuri non preiudicet alieno. Proinde ad uniuersorum noticiam harum serie volumus peruenire, Quod Comes Andreas de Byzterchebana ad nostram accedens presenciam, exhibuit nobis priuilegium karissimi patris nostri Bele, felicis recordacionis Regis Hungarie, confectum super quadam silua et terra inter Byztirchebanam et Lypsche existentem, petens cum instancia, vt nos ipsum priuilegium ratum habere et nostro dignaremur priuilegio confirmare. Cuius inquam priuilegij tenor talis est:
Sequitur Nrus. 637.
Nos igitur ad peticionem ipsius Comitis Andreae fauorabiliter inclinati, prememoratam Siluam et terram sub eisdem metis et terminis, quibus antea extitit limitata, eidem et per eum suis heredibus, heredumque suorum successoribus dedimus, donauimus et contulimus perpetuo et irreuocabiliter possidendam. In cuius rei memoriam, perpetuamque firmitatem presentes sibi dedimus litteras, duplicis sigilli nostri munimine roboratas. Datum per manus magistri Benedicti, Orodiensis prepositi, aule nostre vicecancellarij, dilecti et fidelis nostri. Anno domini Mo. Co Co. Septuagesimo Secundo, Regni autem nostri anno secundo. Venerabilibus patribus Philippo Strigoniensi; Stephano Colocensi, aule nostre Cancellario; Johanne Spalatensi archiepiscopis; Lamperto agriensi;
[744] Emansit: presentes litteras.
Első
