§ 1. Si uero ex aduersa parte exercitus uenerit super Regnum, omnes vniuersaliter ire teneantur.
§ 2. Item si extra regnum cum exercitu iuerimus, omnes, qui Comitatus habent, uel pecuniam nostram, nobiscum ire teneantur.
Art. VIII. Palatinus omnes homines Regni nostri indifferenter discuciat.
§ 1. Sed causam nobilium, que ad perdicionem Capitis, uel ad destraccionem possessionum pertinent, sine consciencia Regis terminare non possit.
§ 2. Judices vicarios non habeat, nisi vnum in Curia sua.
Art. IX. Curialis Comes noster, donec in Curia manserit, omnes possit iudicare et causam in Curia incoatam ubique terminare.
§ 1. Sed manens in Predio suo, Prislaldum dare non possit, nec partes facere citari.
Art. X. Si quis Jobagio habens honorem, in exercitu fuerit mortuus, eius filius uel frater congruo honore sit donaudus.
§ 1. Et si seruiens eodem modo fuerit mortuus, eius filius, sicut Regi uidebitur, donetur.
Art. XI. Si hospites, uidelicet boni homines, ad Regnum venerint, sine consilio Regni ad dignitates non promoueantur.
Art. XII. Vxores decedencium uel condempnatorum ad mortem per sentenciam, uel in Duello succumbencium, uel ex quacumque alia causa, non fraudentur dote sua.
Art. XIII. Jobagiones ita sequantur Curiam, uel quocumque proficiscantur, ut pauperes per eos non opprimantur, nec spolientur.
Art. XIV. Si quis Comes honorifice se iuxta Comitatus sui qualitatem non habuerit, uel destruxerit populos Castri sui, conuictus super hoc, coram omn regno dignitate sua turpiter spolietur cum restitucione ablatorum.
Art. XV. Agazones, Caniferi et falconarij non presumpmant descendere in villis seruientum.
Art. XVI. Integros Comitatus, uel dignitates quascumque in Predia seu possessiones non conferemus perpetuo.
Art. XVII. Possessionibus eciam, quas quis iusto seruicio obtinuerit, aliquo tempore non priuetur.
Art. XVIII. Item seruientes, accepta licencia a nobis, possint libere ire ad filium nostrum, seu a maiori ad minorem, nec ideo possessiones eorum destruantur.
§ 1. Aliquem iusto Judicio filij nostri condempnatum, uel causa incoata coram ipso, priusquam terminetur coram eodem, non recipiemus, nec e conuerso filius noster.
Art. XIX. Jobagiones Castrorum teneantur secundum libertatem a sancto Rege institutam.