614.
1262. 11. Jan. - Urbanus PP. IV. Philippum Episcopum Zagrabiensem, in Archiepiscopum Strigon. postulatum, procuratorem eiusdem ecclesiae constituit, Romamque evocat.
Urbanus - - Philippo Episcopo Zagrabiensi. - - Presentatam nobis postulacionem, de te in Strigon. ecclesia, pastoris destituta solucio, celebratam, per - - Episcopum Penestrinum et - - J. Portuensem Electum et O. - - diaconum Cardinalem - - examinari fecimus diligenter. Et licet compertum fuerit, - - postulationem eandem concordem et canonicam extitisse, nosque noverimus, quod ex tuis magnificis meritis te maiora decerent et amplioribus esses honoribus attollendus; tamen iura et statutum sedis apostolice super hoc edita servari volentes, admittere distulimus postulationem ipsam ad presens, eam relinquentes, donec personaliter ad predictam sedem accesseris, in suspenso. Ceterum cum nolimus, quod eadem ecclesia patiatur ob defectum regiminis aliquod detrimentum, propter urgentem necessitatem, ac evidentem utilitatem ipsius, te in procuratorem dicte Strigon. ecclesie concedentes, curam et administrationem ipsius in spiritualibus et temporalibus tibi auctoritate presencium duximus committendam, fraternitati tue per apostolica scripta mandantes, quatenus infra festum s. Jacobi apostoli, proximo futarum[612], ad presentiam nostram personaliter accedere non postponas: alioquin procurationem et administrationem huiusmodi finiri volumus eo ipso. Datum Viterbii III. Id. Jan., P. a. 1.
Theiner Mon. Hung. I. 243., Wenzel 1. c. III. 25.
615.
1262. 7. Mart. - Bela IV. Rex terram Megeriza, Comiti Hudine iam dudum collatam, „quamquam eadem pro eo, quod idem comes est solacio virilis sobolis destitutus, ipso sublato de medio, ad nostras manus reduci iure dominii potuisset; attendentes tamen - - precum instanciam venerabilis patris Philippi episcopi zagrabiensis, aule nostre cancellarij, in Archiepis copum Strigon. postulati”, comiti Gregorio et fratribus eius, cognatis comitis Hudine confert. - - Datum in Byhyg feria tercia post dominicam Reminiscere. A. d. MCCLXII.
Commemorat Kercselich Hist. Episc. Zagr. 87. Ed. Tkalcic Mon. Zagr. I. 127.

---

[612] Idest 25. Jul.