616.
1262. post 8. Maii. - Stephanus Janior Rex piscationem Danubii et silvas inter conditionarios populos Ecclesiae Strigon. et Praepositurae Dömöiensis e consensu partium per arbitros metis sequestrat.
Stephanus dei gracia Junior Rex Hungarie, dux Transsiluanus et dominus Cumanorum, vniuersis, quibus presentes ostenduntur, salutem in omnium saluatore. Ad universorum tam presencium, quam posterorum noticiam harum serie volumus peruenire, Quod cum dissceptacio inter condicionarios ecclesie Strigon., in Gyospotokteu residentes, Custodes siluarum, et septem piscatores, similiter condicionarios, in villa Helumba in tribus Curijs manentes, a parte superiori, qui contiguos usus habent cum condicionarijs de eadem Gyospotokteu in siluis et piscacionibus Danubij, ex una parte; et omnes condicionarios ecclesie Demisiensis, in predicta villa Helumba commorantes, ab altera, super siluis et piscacione Danubij questio frequens uerteretur, et pluries karissimis parentibus nostris et nobis per venerabilem patrem, dominum Phy(lippum) Archiepiscopum Strigon., et discretum virum, dominum D. prepositum Demesiensem, Comitem Capelle nostre, pro se et suo Capilulo nomine fuisset supplicatum, quod predictas controuersias et questiones, inter se emersas, tam in piscacione danubij, quam in siluis, per bonos homines sopiri faceremus et diffiniri. Tandem nos de consensu parentum nostrorum, magistrum Karachinum de Damas, et comitem Kazmerium, et magistrum Stephanum de Beyn, de genere Hunthpaznan, magistrum Jacobum de Nostre, et comitem alexandrum, nobiles Regni nostri, et quasi commetaneos et vicinos predictarum terrarum, partibus volentibus et consencientibus, misimus sub pena Centum marcarum ad separandum piscaciones danubij et usus siluarum in montibus, per certas distincciones, metas et loca nominata, octauas sancti Georgij partibus assignando in facie contenciose terre et silue ac piscacionis comparendi. Tandem ijdem ad nos demum in quindenis eiusdem festi[613] reuersi, presentibus partibus, concorditer retulerunt, quod accedendo ad faciam predictarum terrarum contenciosarum et piscacionum, conuocatis omnibus antiquis et senibus vicinis, Jure Jurando perquirendo, et eciam nos,[614] sicut sciuimus et scire ab omnibus potuimus, quibus noticia predictarum terrarum et piscacionum habebatur, per talem distinccionem primo in Piscacione danubij separauimus: quod a finibus duarum insularum contiguarum, in danubio existencium, prope Helumba et Zamardfelde, ex alia parte incipiendo, condicionarij et serui Demesiensis ecclesie usque ad suos terminos inferiores per meatam danubii liberum habebunt aggressum piscandi in danubio, quando uolent, et non supra; Condicionarij

[613] Seu 8. Maii.

[614] Scilicet arbitros loquentes inducit.