628.
1263. 11. Maii. - Philippus miseratione Divina Archiepiscopus Strigon., Aulae Regiae Cancellarius ad petitionem Belae regis concedit, ut populi villae Lypche in provincia Liptoviensi ecclesiam parochialem construendi habeant facultatem. „Volumus - - ut ecclesia eadem Parochialis liberis decimis perfruatur, prout Ecclesiae Parochiales de Korpona et Schemneczbana; et Plebanus eiusdem Ecclesiae ab omni iurisdictione et descensu Archidiaconi sit exceptus penitus et exemtus; ita tamen, quod de singalia 50 mansionibus unam marcam fini argenti, cum pondere Strigoniensi nobis et nostris successoribus annis singulis dare et solvere teneatur. - Datum Strigonii crastino Ascensionis Domini.
Fejér Cod. dipl. IV. III. 182. - Originale iuxta Fejér in Archivo Primatiali asservatum, ibidem amplius non reperitur. Vide Nrum 625.
629.
1263. 23. Jul. - Urbanus PP. IV. admonet Belam IV. Regem, ne Saracenos et Judaeos, nisi adiuncto Christiano, proventibus Regalibus colligendis praeficiat.
Vrbanus episcopus, seruus seruorum dei, Carissimo in xpo. filio ... Regi Vngarie Illustri, Salutem et apostolicam benedictionem. Regalis celsitudinis honori conuenit et saluti, ad illa intente sollicitudinis studium adhibere, per que libertati ecclesiastice ac xpiane religionis professoribus a dispendijs utiliter caueatur. Accepimus sane, quod tu consideratione debita non aduertens, quod Judei et Sarraceni xpianis opido sunt infesti, eos interdum ad colligendum redditus et prouentus tuos, postquam lllos Judeis et Sarracenis uendideris, preficis, nec ipsis aliquem xpianum iuxta sanctiones canonicas deputas, de grauaminibus inferendis clericis et ecclesijs non suspectum, per quem dicti Judei siue Sarraceni sine xpanorum iniuria iura regalia consequantur; in excusationis tue suffragium pretendendo, quod id tibi licet ex priuilegio, progenitoribus tuis ab apostolica sede concesso. Cum igitur ex hoc liberitati (sic) predicte ac xpiane fidei plurimum derogetur; Serenitatem Regiam rogamus, monemus et hortamur attente, in remissionem tibi peccaminum suadentes, quatinus prudenter considerans, quod non est conueniens uel honestum, ut eisdem Judeis et Sarracenis, quos propria culpa submisit perpetae seruituti, exercendi uim potestatis in xpianos, quorum pietas illorum cohabitationem dignanter sustinet, possibilitas tribuatur; eosdem Sarracenos et Judeos, priuilegio non obstante predicto, pro nostra et prefate sedis reuerentia, in colligendis huiusmodi redditibus et prouentibus, nisi deputato sibi secundum sanctiones prefatas aliquo xpiano, de cetero