14.
1321. Avignon. 5. Dec. – Joannes PP. XXII., Boleslao archiepiscopo Strigon., per Napoleonem s. Adriani diaconum Cardinalem, pallium mittit. Edid. Theiner: Monum. Hist. Hung. T. I. p. 474.

15.
1321. Avignon. 8. Dec. – Joannes PP. XXII., visitantibus ecclesiam neoconsecrandam Strigoniensem, indulgentias concedit.
Johannes episcopus, servus servorum Dei, universis Christi fidelibus, presentes litteras inspecturis, salutem et apostolicam benedictionem. Civium supernorum consortio cunctos fidei orthodoxe cultores plenis desiderantes affectibus aggregari, eorum mentes et animos ad misericordie opera. et pietatis studia exercenda, quibus celorum regnum acquiritur, nunc piis indulgenciarum donis allicimus, nunc muneribus remissionum salubribus invitamus, ut post vite presentis decursum, statum stabilem non habentes, celestis beatutidinis premia meritorum presidio perpetuis mansura temporibus facilius consequi mereantur. Sane ex insinuatione carissimi in Christo filii nostri Caroli, regis Ungarie illustris percepimus, quod Strigoniensis ecclesia, que nondum consecrata existit, consecrari speretur in brevi: nos cupientes, ut eadem ecclesia congruis honoribus frequenteretur, omnibus vere penitentibus et confessis, qui ad ecclesiam ipsam in die duntaxat, quo eadem ecclesia fuerit consecrata, causa devotionis accesserint, unum annum; illis vero, qui in anniversaria solennitate ipsius consecracionis predictam ecclesiam implorarint, a Domino veniam delictorum venerabiliter visitaverint, annuatim centum dies de iniunctis eis penitenciis, misericorditer relaxamus. Datum, Auinione, VI. Idus Decembris, pontificatus nostri anno sexto.
A dextris in plicatura ab extus: P. de Pon. – In tergo: Johannes . . . mihominis de Berul. Aliquantulum subtus: R[egistratum] DCLXXIII. – Extus adnot manus sat coeva: Litera de indulgenciis in die consecracionis ecclesie Strigoniensis unius anni. – Sigillum plumb. dependet e serico flavi et fusci coloris. – Orig. membran. in Archiv. Prim. Ecclesiast. Vetus. nr. 22.

16.
1321. Avignon. 8. Dec. – Joannes PP. XXII., Boleslao archiepiscopo Strigon. indulget, ut indulgentias valeat elargiri.
"in singulis festivitatibus annuis, quibus infra tuam ecclesiam, secundum privilegia eiusdem ecclesie, palleo uti potes, in quibus te missarum solemnia celebrare, ac sive per te, sive per alium proponere populo verbum Dei contingat, universis Christi fidelibus, vere penitentibus et confessis, qui huiusmodi verbi Dei propositioni presentes affuerint, ac ipsum verbum reverenter audierint et devote, quadraginta dierum indulgentiam – – – valeas elargiri. Datum Avinione, VI. Idus Dec. Anno sexto.
Edid. Theiner: Monumenta. Hist. Hung. T. I. p. 476.