23.
1322. – – Capituli Colocensis literae quaedam hac clausula signantur: "Anno Domini M. CCC XX secundo, regnante eodem Karolo, illustri rege Hungarie, Bolezlao archyelecto Strigoniensi" etc.
Orig. in Arch. Reg. Hung. Regnicol. NRA. fasc. 870. nr. 1.

24.
1322. Königsfeld. 19. Jan. – Agnes regina, vidua Andreae III. regis, se possessionem Szombathely, ecclesiae Strigoniensi contulisse testatur.
"Agnes Dei gratia quondam regina Hungariae – – – quod cum olim nos quandam villam seu possessionem Neusidel vocatam – – iuxta lacum Fertheu – – ad nos a quodam, cui – – Ladislaus rex Hung. – – donasset – – , titulo emptionis – – devolutam, Archiepiscopo et Capitulo Strigoniensi in perpetuam ac irrevocabilem elemosynam donassemus, ipsique – – ipsam pacifice multo terapore possedissent; nunc, quia dictus Archiepiscopus et Capitulum praeiuditium ex eo, quod quondam – Venceslaus rex Bohemiae castrum et Ecclesiam Strigoniensem violenter et hostiliter occupasset, praedictarum donationis et emptionis privilegia, cum multis aliis rebus et privilegiis dictae Ecclesiae abstulit et distraxit, quasi formidant; nos donationem – – – ad nostram conscientiam et statum coram Deo et hominibus attestamur per praesentes, quod praefatam possessionem Neusidl, alio nomine Zee Zumbothel vocatam, sine omni contradictione emimus propria cum pecunia – – et – – eamdem usque ad donationem et traditionem, cum praedictis donationis et emptionis privilegiis, ipsi Ecclesiae Strigoniensi a nobis factam, pacifice possedimus et quiete. – – Datum in Claustro Künsfueld vocato; quarto decimo Calendas Februarii Anno Domini MCCCXXII."
Edid. Fejér: Cod. Dipl. VIII/2. p. 366. – Vide et Collect. Hevenesi. in Bibl. Reg. Scient. Univers. Pazmanyianae T. LXI. p. 59. – Et iterum apud Fejér: VI/2. p. 336. ubi literas has XV. Kal. Febr. exaratas esse dicit.

25.
1322. (Pécsvárad.) 7. Mart. – Conventus monasterii Varadiensis, Carolo I. regi, seriem inquisitionis, contra praepositum Dömösiensem peractae, rescribit.
"tam a nobilibus, quam ignobilibus, Iaycis et clericis, diligenter et fideliter inquirendo, tandem scivisset et inuenisset, quod prepositus de Demus, postquam citauit ipsum magistrum Stephanum, eodem die uillam suam Roozold uocatam spoliasset, vbi domum habet propriam, populos de eadem penitus aufugando et vniuersa bona mobilia et se mouencia in eadem aufferendo, vbi dampnum quingentarum marcarum, prout estimare potuerunt, idem Stephanus est perpessus; et in eadem destruccione duas mulieres idem prepositus occidi fecisset. Tamen, quia inquisicio mortis uergit ad factum sanguinis, ne irregularitatis notam incurrere possimus, excellencia uestra nos uelit et dignetur habere excusatos. Datum in Dominica Reminiscere. Anno dornini M-mo CCC-mo vicesimo secundo."
Edid. Cod. Diplom. Comitum Zichy T. I. p. 212. – Similes edidit lit. relatorias capitulum eccl. Albensis. – Ibidem p. 211.

---