Regnicol. MODL. 25704. (Signatura vetus: Neo-Regestrata Acta. 1504. nr. 27.) – Literas has anno 1322 exaratas esse puto, quia Boleslaus circa finem anni 1321 in Posega longiori tempore sedisse variis diplomat. testatur et ultra annum 1322 nusquam munere comitis de Posega ornatus. in monimentis scriptis, hucusque notis, memoratur.

45.
1323. Temesvár. 17. Jan. – Theophilus praepositus Strigoniensis, processum Chanadini electi Agriensis episcopi recenset, ipsumque auctoritate vicaria Boleslai, archieppi Strigon. confirmat, ordinandumque curat.
"Dominum Chanadinum, tunc praepositum Varadiensem, Secretarium Notarium, Comitem Capellae Domini nostri Caroli, Dei gratia illustris regis Hungariae, doctorem Decretorum, unanimiter et concorditer . . . . in Episcopum . . . nemine discrepente, Canonice, rite et legitime elegistis: et postmodum huiusmodi electione vestra, sic solemniter celebrata, ad praesentiam Venerabilis Patris Domini Bogeszlai, Ducis Tostensis, Dei et Apostolica gratia eiusdem Sanctae Strigoniensis Ecclesiae Archiepiscopi . . . . Metropolitani Vestri, Domini nostri, cum decreto electionis, reverenter, prout moris est, accessistis et confirmationem Electi Vestri memorati instanter petebatis. Verum, quia idem Dominus noster Archiepiscopus., quodam impedimento legitimo eo tempore fuerat praepeditus, et personaliter ad confirmationem praedictam intendere, prout volebat, non potuit: nobis examinandi processum, formam electionis, personam electi, et ipsum decretum electionis, et confirmandi personam electi, post habitam diligentem examinationem, ac munus consecrationis per quemcunque Episcopum Catholicum impendendi eidem, plenam et liberam ac ordinariam, authoritate metropolitana tradidit potestam; gratum, ratum et firmum habiturus, quidquid per nos in persona dicti Domini Electi ageretur. Nos igitur omnibus praemissis diligenter inspectis et examinatis, iuxta statuta sanctorum Patrum novissima et antiqua, edictum sive Cridham in eadem Ecclesia Agriensi, per religiosum virum fratrem Jacobum, praepositum S. Stephani de promontorio Varadiensi fieri fecimus, ut quicunque contra formam electionis, aut personam electi vellent aut possent aliquid obiicere aut opponere, Sabbatho proximo, post octavas Epiphaniarum Domini preteritas, coram nobis in loco ad hoc eis assignato, personaliter, vel per procuratorem legitimum, sufficienter instructum, comparerent. Ipso igitur termino adueniente, nullus de citatis, per nos legitime expectatis, apparuit contradictor. Quibus praemissis – – ipsoque Domino Electo et quibusdam discretis viris de ipso Capitulo ad hoc deputatis, confirmationem suam instanter petentibus – nos authoritate Dei omnipotentis – – et authoritate metropolitana, nobis commissa, et vice nec non potestate Capituli Ecclesiae Strigoniensis, sub spe ratificationis et rati habitionis sanctissimi Patris, Domini Joannis, Divina providentia Sacro Sanctae R. E. supremi Pontificis, die Veneris post diem memoratum, in Ecclesia Beati Georgii Martyris in Temesvár, coram venerabilibus Dominis Episcopis. qui tunc praesentes aderant, et aliis discretis viris, Canonicis, secularibus et religiosis, ac copiosa multitudine fidelium, invocata gratia Spiritus Sancti, ipsum Dominum Chanadinum Electum duximus confirmandum; et ipsum praefecimus in eiusdem Ecclesiae Agriensis Episcopum et Pastorem; euitandum (fors: conseirandum) per sacras manus Venerabilis Patris Pomini Benedicti, Dei gratia, Chanadiensis Episcopi, assistentibus sibi Venerabilibus

---