Scepus, Domino famulantibus, sperantes eorumdem fratrum oracionum et ceterorum bonorum operum, per ipsos factorum fieri participes, ob salutem et remedium, anime nostre et successorum nostrorum, universas decimas, tam maiores quam minutas, ville Janus vocate, ex consensu et consilio fratrum nostrorum, capituli videlicet ecclesie nostre, et specialiter ex permissione et bona voluntate domini Jordani, ecclesie nostre canonici, cui in augmentum canonie sue, ipse decime, per discretum virum magistrum Paulum, felicis recordacionis predecessorem nostrum, prepositum Scepusiensem, collate extiterant, duximus conferendas et contulimus cum plenitudine sui iuris perpetuo possidendas. Quapropter successores nostros devote petimus et attente, quatenus ipsam collacionem nostram ratam et firmam habere dignentur, maxime pro eo, quod nos, Dei et beati Martini patroni nostri adiuti auxilio, quedam (emansit: que) ab ecclesia nostra alienata fuerant restauravimus, reditus et proventus ipsius in pluribus augmentando; et ob hoc pro remedio anime nostre, ac successorum nostrorum, predictas decimas ville Janus memoratis fratribus conferre potuisse merito dinoscamur. In cuius rei memoriam, iugemque firmitatis caucionem, presentes concessimus, nostri et fratrum nostrorum sigillorum munimine roboratas. Datum, in octavis beati Andree apostoli, anno Domini M CCC vicesimo secundo.
Extus manus saec. medii aevi adnot.: Super decimas in villa Johannis, nobis testamentaliter datas per canonicum; hec villa est circa Quintum Forum alias Mechelofalwa. – Et iterum: Super ville Janus decimas recipiendi littera prepositi et capituli.
Sigilla quatuor pendebant olim e diplom. membran. – Orig. in Archiv. Reg. Hung. Regnicol. MODL. 31068. (Olim signabatur: Archiv. Alba-Juliens. Centuria XX. Nro 17.)
44.
S. a. [1322. 28. Januarii.] Demetrius, vicejudex Boleslavi, archiepiscopi Strigon. et comitis de Pozsega, ac Carolus comes terrestris, super sacramento, per Dominicum pro Dresk praestando.
Nos comes Demetrius, viceiudex domini B.[oleslai], archiepiscopi Strigoniensis, ducis Tostensis et comitis de Posega, ac Karulus comes terrestris: damus pro memoria, quod feria quinta proxima post octavas festi[23] Purificacionis Beate Virginis, magister Dominicus filius magistri Stephani, vicesimo se minus uno, videlicet cum magistro Beke filio Thome, Demetrio filio Demetrii, Marcello, filio Stephani, Romano filio Martini, Iwanka de Lebsicha, Michaele filio Thome de Granicha, Michaele filio Michaelis, Jacobo filio Bartholomei, Ladislai de Zaah, item cum Johanne filio Vydozlai, Stephano filio Zudislai, Petro filio Fabyani, Fabiano filio Tristani, Georgio filio Ambrosi, Johanne filio Gyan, Marcus filio Matheus, Jacobo filio Philpus et Stephano filio Barnabe, contra Dresk filium Iwanche (expunctum: feria quinta proxima post octavas festi Purificacionis Beate Virginis) debet prestare sacramentum super eo, quod iobagiones prefati Dresk: videlicet Poruenum et Oegel, legittime, secundum modum terre, ad se abduxisset et non contra legem; nec dampnum decem et septem marcarum sibi irrogasset; et quod iobagionem eiusdem Dresk, Kozar vocatum, non captivasset ea de causa, quod abduccionem predictorum iobagionum non valeat revelare. Datum, feria quinta proxima ante festum supradictum.
Extus: Pro magistro Dominico, filio magistri Stephani, contra Dresk filium Iwanche super sacramento, – Sigillum tergo fuit appressum, – Orig. membr. in Archiv., Reg. Hung.
[23] 1322. 11. Febr.
Első
