indignationem Omnipotentis Dei et beati Petri et Pauli apostolorum eius se noverit incursurum. Datum Posonii, 5 Idus Septembris, pontificatus domini Clementis papae V., anno sexto.
E fragm. MSS. Saec. XVIII. ineunt.: Analecta Strig., in Arch. Cap. Strig. Priv. Lad. 75.

962.
1311. Pozsony. 7. Apr. – Frater Gentilis cardinalis, nuncius apostolicus, Joanni de Milisin, canonicatum et praebendam in ecclesia s. Salvatoris Posoniensi, auctoritate apostolica confert.
Tenorem vide sub nr. 600. p. 432. et sq.

963.
1311. Pozsony. 7. Apr. – Frater Gentilis cardinalis, nuncius apostolicus, praeposito sancti Georgii de Strigonio, Albertino de Parma archidiacono de Dobicha et Joanni de Arecio canonico Waradiensi mandat, ut Joanni de Milisin in capitulo Posoniensi, de canonicatu et praebenda provideant.
Tenorem vide sub nr. 600. p. 434.

964.
1311. Pozsony. 27. Maii. – Joannes de Arecio, canonicus eccl. Waradiensis, auctoritate apostolica sibi commissa, mandat praeposito et capitulo Posoniensi, ut Joannem de Milisin in concanonicum recipiant et eidem praebendam vacantem vel vacaturam assignant.
Tenorem vide sub nr. 600. p. 435.

965.
1320. Temesvár. 29. Aug. – Sententia episcoporum Hungariae, super modo vindicandi quartam puellarem domicellae cuidam in aetate minori constitutae.
Nos Thomas miseracione divina archiepiscopus Strigoniensis, eiusdemque loci comes perpetuus significamus, quibus presentes ostendentur, quod accedentes ad nostram presenciam nobiles viri magistri Kokos, Johannes, et Rykolphus, filii quondam Rykolphy de terra Scepusiensi, nos et venerabiles patres, fratrem Lad(islaum) archiepiscopum Colocensem et alios dominos episcopos in Temuswar congregatos consulere curarunt, utrum domina relicta quondam Herrici fratris eorundem, nomine et vice filie sue Anna vocate, etatis minoris et inperfecte (sic) possit in figura iudicii petere seu vendicare quartam filialem. Nos vero unacum predictis venerabilis patribus dominis archiepiscopo et episcopis eisdem respondimus, quod tunc demum mater vel alius proximus, tutorio seu curatorio nomine, dictam quartam filialem pro filia minoris etatis petere, agere et acquirere possunt in iudicio, cum mater vel proximus, vel alii fide iussores pro eis, sufficientem caucionem, bona sua scilicet immobilia obligando, de racione dicte filie et de expedicione seu defensione proximorum dicte filie, ab omnibus processu temporis dictam quartam vendicare volentibus prestiterint, et tunc demum adiudicata quarta pro filia, possunt proximi a quibus quarta ipsa vendicatur, ipsam quartam seu possessionem pro eadem quarta debitam, secundum consuetudinem regn

---