968.
1321. – 27. Nov. – Joannes PP. XXII., Ladislao episcopo Quinqueeccl., causara decimarum inter rectores de Örs et Sassad, ac episcopum et capit. Vesprimiense exortam, decidendi dat potestatem.
Tenorem vide sub nr. 32.

969.
1322. Esztergom. 4. Sept. – Lodomerius, praepositus s. Thomae de Strigon., vicarius Boleslai archiepiscopi, causam sanctimonialium de insula Budensi, contra Stephanum episcopum Vesprimiensem motam, prorogat.
Nos Lodomerius prepositus sancti Th(ome) martiris de promonthorio Strigoniensi, vicarius venerabilis in Christo patris domini B(oleslai), Dei et apostolice sedis gracia archiepiscopi Strigoniensis, locique eiusdem comitis perpetui, in spiritualibus generalis, damus pro memoria: quod cum venerabilis in Christo pater dominus St(ephanus), Dei gracia episcopus Wesprimiensis, aulee domine regine cancellarius, contra religiosas dominas sanctimoniales de insula Budensi et libello per discretum virum magistrum Johannem archidiaconum Borsiensem, advocatum ipsarum, nomine earumdem oblato, in quindenas Assumpcionis Virginis gloriose, termino ad hoc per nos assignato respondere debuisset[742], adveniente ipso termino, idem venerabilis pater episcopus Wesprimiensis respondit in scriptis ad petita per omnia negative; et primo ad primum articulum: quod nesciret vina sua, per tributum dominarum earumdem violenter delata, et se ad tributum solvendum de bonis ecclesie sue cuicumque non tenere; secundum articulum in ipso libello contentum, boves et equos iobagionum earum de Cholnuk et de Chaba, per suos servientes receptos, negavil simpliciter; ad tercium articulum, quod fratres predicatores vina earumdem dominarum deferentes, dicunt male tractatos et equos spoliatos per familiam suam, respondit negans narrata, prout narratura, et dixit petita admitti non debere. Unde nos, auditis parcium proposicionibus, lite contestata decrevimus: quod idem magister Johannes archidiaconus, procurator ipsarum assercionem suam, nomine (expunct.: ead) earumdem dominarum in libello oblato contentam, in qnindenis Purificacionis Virginis gloriose proxirae ffuturis (sic) debet probare coram nobis, videlicet in primo articulo[743]: quod dominus episcopus memoratus teneatur ad tributum solvendum (expunct.: predictis sanctimonialibus, et suprascriptum:) cuiquam de bonis ecclesie sue, et quod conductores vini sui prohibuerint a solucione tributi per instrumenta, vel per testes. Reliquos vero articulos in eodem libello suo contentos, prout evidenti poterit similiter tenebitur comprobare. Sed, quia idem dominus episcopus Wesprimiensis, ante satisfaccionem dampnorum et iniuriarum eisdem dominabus, ut dicebant illatarum, et ante huiusmodi litis per diffinitivam sentenciam decisionem, ante sue (expunct.: s) litis contestacione, per libelli (expunct.: de) reconvencionalis oblacionem deparendo (?) iuri coram nobis reconvenit easdem; et nobis non videbatur talis reconvencio ante satisfaccionem esse admittenda, de reconnosscendo (sic) utrum huiusmodi reconvencio fieri possit de voluntate parcium, diem concilii futuri, per dominum B(oleslaum) archiepiscopum celebrandi, unacum suis suffraganeis (expunct.: i) duximus prefigendum. Datum Strigonii, sabbato

---

[742] 1322. 29. Aug.

[743] 1323. 16. Febr.