fortune casibus exponendo, volensque ipse dominus Andreas rex pro tanto eis tamquam benemeritis remuneracione debita occurrere regis cum favore, quasdam terras udvarnicorum suorum Zynyer et Edde vocatas in comitatu Symigiensi existentes tum pro mutilacione membrorum et effusione sanguinis ipsius comitis Nicolai et captivacione magistri Iohannis fratris eiusdem, tum eciam pro dampnis et iniuriis eisdem illatis ac in aliqualem recompensacionem eorundem, quamquam potiora meruissent, ex certa sciencia et mera liberalitate cum omnibus utilitatibus et pertinenciis suis universis sub eisdem metis antiquis et prioribus distinccionibus terminorum, in quibus eedem terre per dictos udvarnicos olim habite fuissent et possesse, prenotatis comiti Nicolao, magistro Iohanni, Laurencio, Paulo, Kacina et Petro ac ipsorum heredibus heredumque suorum successoribus de plenitudine sue gracie dedisset, donasset et contulisset iure perpetuo pacifice possidendas sine iuris tamen preiudicio alieni, et licet iuxta formam iuramenti sui tempore sue coronacionis prestiti terras et alia iura sua regalia non debuerit alienare a iurisdiccione et potestate regali, tamen, ut prenotati nobiles fierent immemores inimicicie prehabite, iniuriarum, dampnorum premissorum et coram sue voluntatis oculis se novissent esse multipliciter et specialius graciosos, concessisset eisdem de gracia speciali, quod si successu temporum aliquo casu conpellente se interveniente premissam donacionem suam de predictis terris udvarnicorum eis factam sibi videretur ab ipsis nobilibus, aut eorum successoribus revocare, non valeret nec auferre de eisdem dictas terras, nisi in equivalenti concambio et permutacione consimili conferendo eis pro dicta mutilacione membrorum, effusione sanguinis, captivacione et illacione dampnorum premissorum alias terras tante quantitatis, utilitatis et valoris. Series vero premissorum litterarum privilegialium capituli Vesprimiensis inter alia exprimebat, quod comites Petrus et Iohannes, filii Petri ac magister Rechy, filius comitis Laurencii pro se et pro omnibus fratribus ipsorum ab una parte, comes Pangracius, Seruesde et Gregorius, filii Gregorii ab altera, in presencia ipsius capituli Vesprimiensis pariter comparentes, in possessionibus ipsorum tale inter se concambium ordinasse dixissent et fecisse, quod iidem comites Petrus et Iohannes, magister Rechy et ceteri fratres ipsorum de eorundem possessionibus Edde, Zyner et Godan vocatis, propter effusionem sanguinis et mentorum eorum servicia ex collacione regia habitis et optentis, quandam particulam terre simulcum silva ad usum quinque aratrorum sufficientem, super qua olym Maradek, Zano et Nicolaus udvarnici de Zyner residebant, eisdem comiti Pangracio, Seruesde et Gregorio et per eos ipsorum heredibus ac successoribus dedissent et assignassent perpetuo et irrevocabiliter possidendam, econverso autem iidem comes Pangracius, Seruesde et Gregorius terram ipsorum in comitatu Ryche existentem, super qua Izkor residebat, cum pertinentibus ad ipsam et presenti concambio tunc equivalentem, quam ex donacione Nicolai palatini, filii Henrici bani pro serviciis eorum obtentam possedissent eisdem filiis Petri et comitis Laurencii et ipsorum fratribus eorundemque successoribus dedissent et assignassent iure perpetuo possidendam. Quarum quidem litterarum privilegialium tenoribus perceptis discussionem et finalem determinacionem omnium premissorum ad congregacionem nostram in comitatu Borsyensi proxime per nos celebrandam duximus prorogandam, eo, quod propter diversa negocia nostra hic finem debitam de eodem facere non poteramus,