alia Germath, fratris sui patruelis in personis, prout iidem noster et ipsius capituli Albensis homines exinde ad nos reversi nobis voce consona concorditer retulerunt, non[680] reambulacioni, sed statucioni eiusdem contradiccionis velamine sibi obviassent, quos quidem magistrum Dominicum, filium condam palatini ac Nicolaum, filium Boken et alterum Nicolaum, filium Luce contra prescriptum Strigoniense capitulum ad eandem congregacionem nostram Borsiensem, nostram in presenciam evocassent ad reddendam sue contradiccionis racionem. Tandem in eadem congregacione nostra Borsiensi prefato magistro Stephano canonico et procuratore legitimo dicti capituli Strigoniensis cum litteris procuratoriis eorundem coram nobis astate et predicte inhibicionis racionem per eosdem magistrum Dominicum ac Nicolaum, filium Boken et alterum Nicolaum filium Luce preberi postulante Anthonius de Kyurth pro eodem magistro Dominico[681], domino suo cum nostris litteris procuratoriis comparendo responderet isto modo, quod serenissimus princeps, dominus Lodovicus, Dei gracia rex Hungarie, dominus noster dictam possessionem Germath ipsi magistro Dominico, domino suo pro fidelibus suis serviciis perpetuo contulisset et in eo idem magister Dominicus, dominus suus efficacia haberet instrumenta in ulteriori termino per nos sibi assignando coram nobis exhibenda. Unde nos unacum vicecomite, iudicibus nobilium et iuratis assessoribus commiseramus iudicantes, quod idem magister Dominicus dicta litteralia sua instrumenta in congregacione nostra generali universitati nobilium Neugradiensis et Hontensis comitatuum proxime tunc per nos celebranda, contra iamdictum Strigoniense capitulum exhibere teneretur coram nobis, prelibatique Nicolaus, filius Boken et alter Nicolaus filius similiter in eadem congregacione nostra exhibitis dictis instrumentis ad premissa respondere tenerentur contra capitulum Strigoniense antedictum. Tandem in ipsa congregacione nostra generali universitati nobilium Neugradiensis et Hontensis comitatuum[682] celebrata prelibatus Anthonius de Kyurth, vicecomes eiusdem magistri Dominici pro eodem domino suo, magistro Dominico cum procuratoriis litteris nostris comparendo pro ipsis exhibere assumptis instrumentis quasdam litteras privilegiales eiusdem domini nostri regis Lodovici, sub anno Domini Mo cccmo lmo secundo, regni autem sui anno decimo confectas nobis presentavit inter cetera declarantes, quod idem dominus noster, rex Lodovicus recensitis et recordatis fidelitatum meritis et serviciis magistri Dominici, filii magnifici viri, domini Nicolai, condam palatini et iudicis Comanorum, dilecti et fidelis sui, aule sue militis, que ipsum in cunctis sui et regni sui negociis prosperis et adversis ab evo sue puericie temporibus, specialiter autem in processibus suis in partibus transmarinis, ad quas pro summenda vindicta mortis quondam excellentis principis domini Andree Iherusalem et Sycylie regis, fratris sui karissimi felicis memorie accessisset, habitis secum procedendo continue et sine intermissione lateri suo inherendo[683] constanter exhibuisset et exhibere sentiret in futurum, quasdam possessiones quondam Nicolai, filii Gregorii de Germath, hominis sine herede decedentis et ex eo de iure sue regie collacioni pertinentes, Germath videlicet predictam in Borsiensi, item Lakaath et Zenthmihaly vocatas in Nitriensi comitatibus existentes cum omnibus earum utilitatibus et pertinenciis universis, quovis nomine vocitatis in superficie earum existentibus sub suis veris metis, quibus prius habite extitissent et possesse, eisdem magistro Dominico et per eum magistris Iohanni et

[680] utána kihúzva: a

[681] utána kihúzva: filio

[682] utána a margón beszúrva: feria secunda proxima post festum Beate Luce ewangeliste penes Gyarmath

[683] az eredetiben: inhenerdo