ex tenore dicti privilegii ipsius domini regis Ladislai perciperet[691], prefatus magister Benedictus, tunc electus ipsius Strigoniensis ecclesie et prepositus Budensis vicecancellarius dicti domini regis Ladislai extitisset et quia ipse magister Benedictus[692] litterarum ipsius possessionis petitor et obtentor fuisset, idem et conservator ipsius regalis sigilli, quo dicte privilegiales littere per manus eiusdem electi forent confecte, extitisset, ob hoc si pretactum Strigonyense capitulum ipsis privilegialibus litteris regis Ladislai per manus dicti electi emanatis aliis effíicacioribus litteralibus instrumentis dictam possessionem per ipsum recaptivatam suam fore posset comprobare, in ipsius magistri Dominici, scilicet domini sui persona videre vellet et per eundem suum procuratorem coram nobis[693] facere exhibere. Nam ipse in persona dicti domini sui, licet predicte privilegiales littere dicti domini nostri regis Lodovici ad perempnalem iamdicte possessionis conservacionem bene sufticerent, tamen et adhuc eandem[694] ipsius magistri Dominici, domini sui iuri[695] pertinere plurimum litteralium instrumentorum vigoribus mediantibus omni veritatis tramite[696] posset, ymo ad presens presto est comprobare et paratus. Cumque nos eundem magistrum Stephanum procuratorem dicti capituli in eo, utrum ipsum capitulum in facto ipsius possessionis Gyarmath plura haberet instrumenta, vel ne, requisitum habuissemus, idem magister Stephanus plura instrumenta, si que in facto dicte possessionis Gyarmath capitulum haberet supradictum, requirenda in ulteriori termino per nos sibi assignando exhiberi velle allegavit. Unde, quia procurator prefati capituli Strigonyensis ad exhibicionem plurium instrumentorum suorum, si que requirendo posset rehabere in facto possessionis annotate, adhuc ulteriorem terminum absque assignacione alicuius evidentis racionis per nos postulabat assignari, actores[697] vero in ipsorum[698] causalibus prosecucionibus instrumentorumque suorum exhibicionibus semper prompti esse debent et parati, ideo discussionem premissorum ad octavas festi Epiphanye Domini nunc venturas[699] cum uno regali iudicio per ipsum capitulum ante suam responsionem deponendo duximus prorogandam eo modo, ut tunc utreque partes tam prescriptas litteras privilegiales nunc coram nobis exhibitas, quam eciam alia quelibet litteralia eorum instrumenta, si que in facto dicte possessionis Gyarmath habent confecta, emanata, contra sese exhibere teneantur coram nobis, ut quibus visis iudicium et iusticiam facere valeamus inter partes in premissis, prout dictaverit ordo iuris. Datum quinto die congregacionis nostre predicte in loco memorato, anno Domini Mmo cccmo quinquagesimo octavo.

[691] az eredetiben: percipereret

[692] az utóbbi három szó a sor fölé beszúrva

[693] sor fölé írva

[694] sor fölé írva

[695] sor fölé írva

[696] az eredetiben: stramitte

[697] az eredetiben: actor

[698] az eredetiben: ipsarum

[699] 1359. január 13.