33.
1351. november 11.

A váradi káptalan bizonyítja, hogy a szamosközi Bertalan fia István fia Péter fia, László elárvulása miatt legidősebb nővére férjét, Mihály fia Jánost választotta gyámjául, s atyai birtokainak felerészében az oklevélben leírt feltételek között részeltette.

Szakadt, gyűrött hártya, 401 x 160. A plika kihajtva. A fuggőpecsét befüggesztésénél a hártya kiszakadt. Nagy C kezdőbetű helye. Hátlapon újkori levéltári jelzetek. Prímási lvt. Arch. saeculare Radicalia T-18 (DF 248 652).

apitulum ecclesie Waradyensis universis Christi fidelibus presens scriptum inspecturis salutem in omnium salvatore. Ad universorum noticiam tam presencium, quam futurorum harum serie volumus pervenire, quod accedens ad nostram presenciam Ladizlaus, filius Petii, filii Stephani, filii Bartholomei de Samuchkezy dixit et coram nobis viva voce est confessus, quod cum ipse iudicio divino tempore sue puericie existat orbatus utroque parente unicusque frater eiusdem in anno pestilencie decessit ab hac luce et sic ipse cum tribus sororibus suis innuptis omni spe destitutus remansisset, nunc autem divinitate sibi propicia maiorem sororem suam Lucia vocatam maritasset copulans eam sacra lege connubii Iohanni, filio Michaelis personaliter coram nobis astanti, quem quidem Iohannem, filium Michaelis recepisset in suum tutorem, fratrem karissimum ac ipsius dilectorem sperans omnino amminiculo eiusdem in bonis paternis pacifice permanere, propter quod ipse facta matura deliberacione omnes possessionarias porciones suas ubilibet et in quibuslibet comitatibus existentes apud manus suas habitas et eciam apud alienas ipsum iure hereditario contingentes cum eodem Iohanne, filio Michaelis et cum predicta sorore sua maiore participasset et participavit coram nobis. Ita videlicet, quod rectam medietatem omnium porcionum suarum possessionariarum modo supradicto in quibuslibet comitatibus existencium eidem sorori sue Lucia vocate et per eam predicto Iohanni sponso suo dedisset, donasset et contulisset ac coram nobis dedit, donavit et contulit iure perpetuo et irrevocabiliter possidendas, tenendas pariter et habendas in filios filiorum. Hoc tamen expresso, quod si idem Iohannes filios procreaverit ex sorore sua supradicta, ex tunc eisdem possessionariis medietatibus idem Iohannes et sui heredes gaudebunt et easdem iusto titulo possidebunt. Si vero eadem soror sua absque liberis decesserit, ex tunc eedem possessionarie medietates ad ipsum et ad suos heredes revertentur, nec idem Iohannes aut sui proximi aliquod ius habebunt in eisdem. Hoc eciam non ommisso, quod si ipsum Ladizlaum sine heredibus decedere contingat, ex tunc omnes porciones sue possessionarie ad eundem Iohannem et predictam sororem suam ac ad liberos ipsorum devolvantur ex integro. In cuius rei memoriam firmitatemque perpetuam presentes concessimus litteras nostras privilegiales pendentis sigilli nostri munimine roboratas. Datum in festo Beati Martini confessoris, anno dominice incarnacionis Mmo CoCoCo quinquagesimo primo, discretis viris, Philippo preposito, Benedicto lectore, Ladizlao cantore, Gregorio custode, canonicis ac magistris ecclesie nostre salubriter existentibus.