metam terream posuissent, et inde transeundo versus eandem plagam occidentalem, ubi tres metas terreas erexissent, dehinc proce{n}deret ad quandam metam, que separaret eandem possessionem Gurbeu a villa Heten, et inde iret versus aquillonem ad unam metam terream in medio unius vie erectam et in fine eiusdem vie tres mete terrel essent erecte, que via a parte orientali ad partem occidentalem tenderet, et ibi eadem via staret pro meta, deinde egrediretur per modum circuli ad ecclesiam predictam ibique terminaretur. Quibus sic reambulatis et sub dictis cursibus metarum ab aliorum possessionibus et possessionariis porcionibus sequestratis et distinctis cum omnibus suis utilitatibus et pertinenciis statuissent eandem prefato Petro abbati et suo monasterio de Abram perpetuo possidendam, tenendam pariter et habendam, nullo contradictore apparente. Verum quia prememoratus frater Petrus abbas de Abram prefatam possessionem Gurbeu vocatam in dicto comitatu Tolnensi existentem in prefata congregacione nostra generali sibi et dicto suo monasterio ex collacione prefate nobilis domine, relicte magistri Maysii pertinere mediantibus privilegialibus prefate domine Fenenne olym regine Hungarie comprobarat prememoratusque magister Gregorius Bissenus, comes Bissenorum, per cuius manus dicta possessio Gurbeu vocata occupata detinebatur, visis litteris privilegialibus prefate domine Fenenne regine agnosscensque eandem ex collacione predicte nobilis domine, relicte magistri Mayssii eidem fratri Petro abbati et suo monasterio de Abram debere pertinere et contra tenores prefatarum litterarum privilegialium minime posse detinere, in eadem congregacione nostra generali nullo iure in eadem sibi et suis posteritatibus reservato eidem fratri Petro abbati et monasterio Virginis Gloriose de Abram coram nobis perpetuo resignarat. Et demum per hominem nostrum sub testimonio religiosi conventus ecclesie Saxardyensis iuris tramite requirente, vicinorum et commetaneorum eiusdem legitimis convocacionibus factis et presentibus, nullo contradictore apparente eadem possessio Gurbeu vocata cum omnibus suis utilitatibus et pertinenciis ac sub dictis cursibus metarum ab aliorum possessionibus et possessionariis porcionibus sequestrata et distincta eidem fratri Petro abbati et monasterio Virginis Gloriose de Abram perpetuo statuta existebat, pro eo premissis omnibus consideratis unacum vicecomite, iudicibus nobilium iuratisque assessoribus dicti comitatus Tolnensis pretactam possessionem Gurbeu vocatam sub dictis cursibus metarum, sub quibus eadem eidem fratri Petro abbati et suo monasterio de Abram, ut premittitur per hominem nostrum presente testimonio preallegati conventus Saxardyensis, nullo contradictore apparente statuta existebat ac iuxta continenciam litterarum privilegialium prefate domine Fenenne, olym regine Hungarie eidem fratri Petro abbati et suo monasterio de Abram eo iure, quo sibi dinossciturpertinere, adiudicamus perpetuo possidendam, tenendam et habendam, salvo iure alieno. In cuius rei memoriam firmitatemque perpetuam presentes eidem fratri Petro abbati et suo monasterio de Abram concessimus nostras litteras privilegiales pendentis sigilli nostri autentici munimine roboratas. Datum quarto die congregacionis predicte in loco annotato, anno Domini millesimo cccmo quinquagesimo primo.