iobagionum et aliis quibuslibet iuribus et proventibus eidem capitulo provenire debentibus, quocumque nomine vocitatis et undique ad eandem de iure spectantibus, sub suis certis metis et antiquis, absque preiudicio iuris alieni et specialiter ecclesie nostre cum integritate sui iuris et dominii predictis Iohanni, filio Alardi et Petych ac dominabus supradictis et eorum heredibus heredunique suorum successoribus cum additamento sexaginta quinque marcarum, ut dixerunt, ab eisdem plene receptarum, perpetuo et irrevocabiliter dedissent, tradidissent et titulo concambii permutassent et partes predicte premisso modo coram nobis astantes dederunt, tradiderunt ac permutaverunt tenendas, habendas et possidendas, moderaminibus talibus interiectis, quod si idem capitulum ecclesie Strigoniensis in dicta possessione Burusyeno per eosdem premisso modo in concambium data predictos Iohannem et Petych ac dominas prenotatas vel eorum successores ab inpetitoribus conservare non posset, dummodo iidem Iohannes vel Petych aut eorum heredes suis demeritis ac actibus illicitis non perderent vel alienarent eandem, tunc equivalentem possessionem ipsi Burusyeno similiter perpetuo possidendam iuxta estimacionem proborum virorum tunc per partes adducendorum et regni consuetudine requirente, salva tamen pecunia predicta remanente, eisdem dare et asignare teneretur capitulum prenotatum. Si autem ipsi Iohannes et Petych vel domine supradicte in predicta possessione Nyr et suis utilitatibus pacifice ipsum capitulum conservare non possent contra quoslibet et specialiter Sebastianum et dominam Katherinam, consortem eiusdem, ex tunc prenotatam possessionem capitulum absque aliqua difficultate cum pecunia superaddita restituere et resignare tenerentur. Attamen eadem possessio Nyr apud manus ipsius capituli medio tempore remaneret. Et quia quarta pars ipsius possessionis Nyr predictum Petych et dominam consortem suam perpetuo iure vigore collacionis ipsius Iohannis tangeret, ideo quartam partem decime ipsius possessionis Burusyenow per litteras nostras iisdem donate perpetuo eidem Petych et suis heredibus donassent, ut idem procurator capituli hoc expresse declaravit. Et quia litteras super facto ipsius possessionis Nyr iidem Iohannes et Petych dicto capitulo se asignasse affirmarunt, idem procurator capituli prenotati ipsum capitulum obligavit coram nobis, quod quandocumque ad defensionem ipsius possessionis Nyr heedem littere forent necessarie, tociens, quociens forent necessarie, idem capitulum eisdem Iohanni et Petych ac eorum heredibus dare et concedere teneretur easdem, alias idem capitulum se defenderet super facto possessionis Nyr prenotate. Item iidem Iohannes et Petych quasdam litteras episcopi Wesprimiensis super donacione medietatis quarte decime predicte possessionis Nyr confectas, donate capelle in eadem possessione Nyr existenti ad manus ipsius procuratoris asignarunt coram nobis. In cuius rei memoriam perpetuamque firmitatem presentes litteras nostras privilegiales sigillique nostri munimine roboratas ad peticionem parcium duximus concedendas. Datum per manus magistri Dyonisii, lectoris ecclesie nostre, in festo Beati Thome martiris, anno Domini Mo cccmo quinquagesimo secundo, presentibus viris discretis et honestis magistris Petro cantore, Iohanne custode, Ladislao, Emerico, Ladislao, fratre Ugrini, Petro, Mychaele, Cosma, Iohanne et aliis canonicis in eadem ecclesia nostra Deo devote famulantibus.