ecclesiae illi praefuit[301]. Inde Agriam est translatus anno circ. 1142.,[302] ubi ad a. usque 1150. permansit.[303] In his duobus nunc citatis diplomatibus Martinus scribitur, sub hoc tamen Martirium latere, inde patet, quia etiam in quodam Gyejcsae Regis diplomate sine nota temporis edito[304], ac in litteris Innocentii IV. de. a. 1253. Martinus Archiepiscopus - et Innocentius quidem expresse addit: Strigoniensis[305] - appellatur. Martirius Archiepiscopus, ut Nrus 127. testatur, domum hospitalem Cruciferorum s. Stephani de Alba fundavit, sed perficere morte praeventus non potuit. Consecravit porro - ut Schmitthius ait - in aditu fere sui muneris Basilicam Budensem, a Michaele loci Preposito evocatus.[306] Verum unde hoc Schmitthius asserat, nuspiam inveni.

---

[301] Fejér Cod. dipl. II. 86

[302] Ib. 119

[303] Wenzel I. 60. et Fejér II. 130

[304] Fejér VIL V. 120

[305] Ib. IV. II. 175

[306] Arch. Strig. I. 63